🔯বিজনীৰ গৰাইমাৰীত পদ্মাৱতী কনষ্ট্ৰাকচনৰ ৰ'ড চুৰিৰ অভিযোগত আটক দুই, পলাতক এক🔯

🔯বিজনীৰ গৰাইমাৰীত পদ্মাৱতী কনষ্ট্ৰাকচনৰ ৰ'ড চুৰিৰ অভিযোগত আটক দুই, পলাতক এক🔯

📝বিজনীঃ ২৯ এপ্ৰিলঃ বঙাইগাঁও জিলাৰ গৰাইমাৰীত সংঘটিত হৈছে ৰ'ড চুৰিৰ ঘটনা। বঙাইগাঁও থানাৰ অন্তৰ্গত গৰাইমাৰীস্থিত পদ্মাৱতী কনষ্ট্ৰাকচনৰ পৰা ২০ ডাল ৰ'ড চুৰি কৰি ভঙা- চিঙা ক্ৰয় কৰা জনৈক বেনুৰ দোকানত বিক্ৰী কৰা বুলি অভিযোগ উত্থাপন কৰিছে কোম্পানীটোৰ দ্বায়িত্বত থকা ৰেজাক আলীয়ে। এই সংক্ৰান্তত কোম্পানীটোৰ তৰফৰ পৰা আৰু গৰাইমাৰী ভিডিপিৰ সহযোগত সন্দেহৱশত ১ নং নাচনগুৰী নিবাসী জেল হকক(২৬) সোধ-পোচ কৰাত খলিল শ্বেখ(২১) আৰু হাছেন আলীৰ(২১) সহযোগত ৰ'ড চুৰি কৰাৰ কথা স্বীকাৰ কৰে। পাছত জেল হকৰ স্বীকাৰোক্তিৰ ভিত্তিত খলিল শ্বেখক আটক কৰি কোম্পনীটোৰ ভিতৰত আটক কৰি ৰাখে যদিও অভিযুক্ত হাছেন আলী পলাতক অৱস্থাত আছে। ইয়াৰে খলিল শ্বেখ আৰু হাছেন আলীৰ ঘৰ গৰাইমাৰীত বুলি জানিব পৰা গৈছে। পাছত ঘটনা সন্দৰ্ভত বঙাইগাঁও আৰক্ষীক খবৰ দিয়াত আৰক্ষীয়ে কম্পানীটোৱে আৱদ্ধ কৰি ৰখা জেল হক আৰু খলিল শ্বেখক আটক কৰি বঙাইগাঁও থানালৈ লৈ যায়।🔯