🔯প'হিলা মে'ৰ পৰা বঙাইগাঁৱত ৰোলাৰ স্কেটিং খেলৰ প্ৰশিক্ষণ🔯

🔯প'হিলা মে'ৰ পৰা বঙাইগাঁৱত ৰোলাৰ স্কেটিং খেলৰ প্ৰশিক্ষণ🔯

📝বঙাইগাঁওঃ ২৪ এপ্ৰিল : সদৌ অসম ৰোলাৰ স্কেটিং এছোচিয়েচনৰ উদ্যোগত তথা বঙাইাগাঁৱৰ উদ্যমী  ক্ৰীড়া সংগঠকৰ সহযোগত অহা প'হিলা মে’ৰ পৰা বঙাইগাঁৱৰ  চিলাৰায় ইণ্ডোৰ ষ্টেডিয়ামত ৰোলাৰ স্কেটিং খেলৰ প্ৰশিক্ষণ প্ৰদান কৰা হ’ব ৷ সদৌ অসম ৰোলাৰ স্কেটিং এছোচিয়েচনৰ সম্পাদক গৌতম বৰুৱাই সদৰি কৰা মতে সমগ্ৰ বিশ্বত ৰোলাৰ স্কেটিং খেলৰ জনপ্ৰিয়তা আৰু খেলবিধৰ অলিম্পিকত বিশেষ জনপ্ৰিয়তাত ৰোলাৰ স্কেটিং খেলৰ প্ৰতি আকৰ্ষিত হৈছে বঙাইগাঁও আৰু ইয়াৰ দাঁতি কাষৰীয়া অঞ্চলৰ উঠি অহা কিশোৰ ,কিশোৰীক তথা যুৱক-যুৱতী সকল ৷ 

দেওবাৰে এছ’চিয়েচনৰ উদ্যোগত পাঁচগৰাকী ৰোলাৰ স্কেটিং খেলৰ ৰাষ্ট্ৰীয় পৰ্যায়ৰ স্কেটাৰ ( খেলুৱৈ) আৰু অন্য পাঁচ গৰাকীসহ মুঠ দহ গৰাকী খেলুৱৈয়ে বঙাইগাঁৱৰ ৰাজপথত আৰু চিলাৰায় ইণ্ডোৰ ষ্টেডিয়ামত এক প্ৰদৰ্শনী শিবিৰ অনুষ্ঠিত কৰে ৷ উল্লেখ্য যে মফচলীয় অঞ্চলৰ আগ্ৰহী খেলুৱৈ সকলৰ পৰা কেনেকৈ ৰাষ্ট্ৰীয় পৰ্যায়লৈ ভাল খেলুৱৈ উলিয়াব পৰা যায় তাৰ চিন্তা চৰ্চা কৰি সদৌ অসম ৰোলাৰ স্কেটিং এছোচিয়েচনে বঙাইগাঁৱত এই খেলৰ এক প্ৰদৰ্শনী কৰে  বুলি জানিবলৈ  দিয়ে সদৌ অসম ৰোলাৰ স্কেটিং এছোচিয়েচনৰ সম্পাদক গৌতম বৰুৱাই ৷ তেওঁ এই খেলৰ উন্নয়নাৰ্থে সম্প্ৰতি ৰাজ্যখনত কৰিব লগা বিষয়ৰ ওপৰত গুৰুত্বাৰোপ কৰাৰ কথাও  প্ৰকাশ কৰে৷🔯