বঙাইগাঁও জিলা কৰ্মচাৰী পৰিষদৰ দ্বি-বাৰ্ষিক অধিৱেশন সম্পন্ন🔯

🔯বঙাইগাঁও জিলা কৰ্মচাৰী পৰিষদৰ দ্বি-বাৰ্ষিক অধিৱেশন সম্পন্ন🔯

🔯৪১ জনীয়া নতুন সমিতি গঠন🔯

📝বঙাইগাঁওঃ ১ মেঃ  সদৌ অসম কৰ্মচাৰী পৰিষদৰ বঙাইগাঁও জিলা সমিতিৰ দ্বি বাৰ্ষিক অধিৱেশনখনি দেওবাৰে ( ১ মে’ত) নৰ্থ বঙাইগাঁৱৰ বঙাইগাঁও এম ই স্কুল প্ৰাংগণত অনুষ্ঠিত হৈ যায় ৷ অধিৱেশন উপলক্ষে পুৱা জিলা সমিতিৰ সভাপতি সত্য নাৰায়ণ ৰায়ে পতাকা উত্তোলনেৰে কাৰ্যসূচী মুকলি কৰে ৷ ইয়াৰ পিচতে শ্বহীদ তৰ্পন অনুষ্ঠান মুকলি কৰে বঙাইগাঁও এম ই স্কুলৰ অৱসৰপ্ৰাপ্ত প্ৰধান শিক্ষক তথা জিলা কৰ্মচাৰী পৰিষদৰ উপদেষ্টা ছৈয়দ নূৰ মহম্মদে ৷

অধিৱেশন উপলক্ষে প্ৰতিনিধি সভা লগতে বিষয় বাছনি সভা অনুষ্ঠিত হয় ৷ সভাত সদৌ অসম কৰ্মচাৰী পৰিষদৰ উপ সভাপতি শৰৎ দাসৰ উপৰিও কেন্দ্ৰীয় সমিতিৰ দ্বাৰা  মনোনীত অশোক মহন্তই পৰ্যবেক্ষক হিচাবে উপস্থিত থাকে ৷ একেখন সভাতে বঙাইগাঁও জিলা কৰ্মচাৰী পৰিষদৰ বৰ্তমানৰ সভাপতি সত্য নাৰায়ণ ৰায়ক পুনৰ সভাপতি আৰু পংকজ শৰ্মাক  পুনৰ  সাধাৰণ সম্পাদক পদত মনোনীত কৰি এখন একচল্লিশ জনীয়া নতুন সমিতি গঠন কৰা হয় | অধিৱেশনত জিলাখনৰ (ৰাজ্য চৰকাৰৰ অধীনস্থ)  কৰ্মচাৰী প্ৰতিনিধিসকল উপস্থিতি থাকে ৷🔯