🔯বঙাইগাঁও ঈদগাহ ময়দানত ঈদুল ফিতৰৰ সমূহীয়া নামাজ🔯

🔯বঙাইগাঁও ঈদগাহ ময়দানত ঈদুল ফিতৰৰ সমূহীয়া নামাজ🔯

📝বঙাইগাঁওঃ ৩ মেঃ আৰবী মাহ ৰমজানৰ এমাহ ৰমাদানৰ (ৰোজা) অন্তত মঙলবাৰে সমগ্ৰ বিশ্ব তথা ভাৰতবৰ্ষৰ লগতে বঙাইগাঁও চহৰতো ঈদ উল ফিতৰৰ নামাজ আদায় কৰা হয়। এমাহজোৰা ৰমজানৰ ৰোজাৰ অন্তত প্ৰেম আৰু ভাতৃত্ববোধৰ বাণী বিয়পাই মঙলবাৰে পালন কৰা হয়- ঈদ।পশ্চিম অসমৰ ব্যৱসায়িক চহৰৰ বঙাইগাঁও ঈদগাহ ময়দানত পুৱা ৯ বজাত ইদুল ফিতৰৰ নামাজ আদায় কৰা হয় ৷ বঙাইগাঁৱত ঈদুল ফিতৰৰ নামাজৰ ইমামতি কৰে মৌলানা হাছান আলীয়ে। চহৰখনৰ কেইবা সহস্ৰাধিক ইছলাম ধৰ্মাৱলম্বী লোকে সমূহীয়াকৈ ঈদৰ নামাজত অংশ গ্ৰহণ কৰা পৰিলক্ষিত হয়।

নামাজৰ অন্তত ধৰ্মীয়গুৰু মৌলানা হাছান আলীয়ে খুতবা পাঠত ফিৎৰা আৰু জাকাত আদায়ৰ জৰিয়তে ধনী-দুখীয়া সকলোৱে সমভাৱে ঈদ উদযাপন কৰা সম্পৰ্কত ব্যাখ্যা কৰে।নামাজৰ ইমামতি কৰা মৌলানা হাছান আলীয়ে লগতে অসম তথা ভাৰতবৰ্ষৰ একাধিক জাতি -জনগোষ্ঠীৰ মাজত সমন্বয়-ভাতৃত্ববোধ স্থাপনৰ উপৰি বিশ্ব শান্তিৰ বাবে দোৱা প্ৰাৰ্থনা কৰে। ইপিনে সূদীৰ্ঘ দুবছৰৰ অন্তত চহৰখনৰ ইছলামধৰ্মী লোক সকলে ঈদগাহ ময়দানত ঈদুল ফিতৰৰ নামাজ আদায় কৰি পৰম আনন্দ লভা পৰিলক্ষিত হয় ৷ ঈদ উপলক্ষে তেওঁলোকে ন - সাজ পৰিধান কৰাৰ লগতে নিজ নিজ ঘৰত তেওঁলোকৰ সামৰ্থ অনুসৰি পায়স, পোলাও, চেৱাই, পিঠা-পনা, খিচিৰি আদি ব্যঞ্জন তৈয়াৰ কৰি পৰম তৃপ্তিৰে গ্ৰহণ কৰে ।🔯