🔯বঙাইগাঁও ৰে’লৱে ইনষ্টিটিউটত বেচৰকাৰী স্বেচ্ছাসেৱী সংগঠন 'সমন্বয়' ৰ সাংস্কৃতিক অনুষ্ঠান 🔯

🔯বঙাইগাঁও ৰে’লৱে ইনষ্টিটিউটত বেচৰকাৰী স্বেচ্ছাসেৱী সংগঠন 'সমন্বয়' ৰ সাংস্কৃতিক অনুষ্ঠান 🔯

🔯সমাজৰ তৃতীয় লিংগৰ লোকসকলৰ প্ৰতিভাসমূহ সকলোৰে আগত প্ৰদৰ্শন কৰোৱাৰ লক্ষ্য 🔯

📝বঙাইগাঁওঃ ২ মেঃ বেচৰকাৰী স্বেচ্ছাসেৱী সংগঠন 'সমন্বয়'ৰ উদ্যোগত দেওবাৰে বঙাইগাঁও ৰে’লৱে ইনষ্টিটিউটত 'সৰগম ' নামেৰে এক সাংস্কৃতিক অনুষ্ঠানৰ আয়োজন কৰে৷ বিশেষকৈ সমাজৰ তৃতীয় লিংগৰ  লগতে  এলজিবিটিকিউআইএ+(লেছবিয়ান, গে, বাইচেক্সুৱেল, ট্ৰান্সজেণ্ডাৰ, কুইয়াৰ, ইণ্টাৰচেক্স, এচেক্সুৱেল) লোকসকলৰ    প্ৰতিভাসমূহ সকলোৰে আগত প্ৰদৰ্শন কৰোৱাৰ উদ্দেশ্যে এই সাংস্কৃতিক অনুষ্ঠানৰ আয়োজন কৰে স্বেচ্ছাসেৱী  সংগঠনটোৱে ৷ অসমীয়া আৰু বাংলা নতুন বছৰৰ লগত সংগতি ৰাখি  সুধাকণ্ঠ ড° ভূপেন হাজৰিকাৰ 'মানুহে মানুহৰ বাবে 'গীতেৰে শুভাৰম্ভ কৰা হয়  সাংস্কৃতিক অনুষ্ঠানটি ৷ অনুষ্ঠানত শিশুৰ অধিকাৰ আৰু শিক্ষাৰ ওপৰত কাম কৰা নেত্ৰী প্ৰগতি কলিতা, বিজনী কলেজৰ উপাধ্যক্ষ তথা বেচৰকাৰী স্বেচ্ছাসেৱী সংগঠন নীফৰ একাডেমিক সৰোজ পাছায়ত, সমন্বয়ৰ কো-সমন্বয়ক শিৱলাল  গৌতমে পোন প্ৰথম বাৰৰ বাবে বঙাইগাঁও চহৰত  আয়োজন কৰা 'সৰগম' অনুষ্ঠানটোৱে বিশেষকৈ সমাজৰ তৃতীয় লিংগৰ  লগতে  এলজিবিটিকিউআইএ + ( লেছবিয়ান, গে, বাইচেক্সুৱেল, ট্ৰান্সজেণ্ডাৰ, কুইয়াৰ, ইণ্টাৰচেক্স, এচেক্সুৱেল )  লোকসকলৰ অধিকাৰ আৰু তেওঁলোকৰ বিভিন্ন প্রয়োজনীয় বিষয়সমূহ সমাজৰ মাজলৈ লৈ যোৱাত এখন সেতুৰ দৰে কাম কৰিব বুলি মত ব্যক্ত কৰে ৷ বেচৰকাৰী সংগঠনটোৰ কো-সমন্বয়ক গৌতমে লগতে কয় যে ২০১৮ বৰ্ষত গঠিত সমন্বয় এনে এটি গোট, যিয়ে সমাজৰ তৃতীয় লিংগৰ  লগতে  এলজিবিটিকিউআইএ লোকসকলৰ অধিকাৰৰ হকে কাম কৰি আহিছে ৷ প্ৰকৃততে  'সমন্বয়' ৰ সদস্যসকলে ২০১৪ চনৰ পৰাই সমাজৰ তৃতীয় লিংগৰ লোকসকলৰ লগতে সমাজৰ  এলজিবিটিকিউআইএ  লোকসকলৰ সমস্যাসমূহৰ ক্ষেত্ৰত কাম কৰি আহিছে । তেওঁলোকৰ প্ৰধান কামসমূহ হ'ল সমাজৰ এই লোকসকলক সমবেতকৰণ, মানসিক, লৈংগিক অথবা ন্যায়িক সমর্থন প্রদান কৰা, সংকটৰ সময়ত হস্তক্ষেপকৰণ ৷ লগতে ৯৬৭৮৭১৭৩৭৪৪ নম্বৰৰ এটা হেল্পলাইনো পৰিচালনা কৰি আহিছে ৷ উল্লেখ্য যে এই অনুষ্ঠানটোৰ প্রধান লক্ষ্য হৈছে সমাজৰ তৃতীয় লিংগৰ লগতে এলজিবিটিকিউআইএ লোকসকল প্ৰতিভাসমূহ সকলোৰে আগত প্ৰদৰ্শন কৰোৱা ৷ সাংস্কৃতিক কাৰ্যসূচীত সংগঠনৰ লগত নিয়োজিতসকলে ছেমি ক্লাচিকেল নৃত্য, অডিচি নৃত্য, বিহু নৃত্য, লোক সংগীত আদি পৰিৱেশন কৰাৰ লগতে নৃত্য নাটিকা 'চিত্ৰাংগদা' মঞ্চস্থ কৰে৷ সেইদৰে পাঠ কৰে কবিগুৰু ৰবীন্দ্ৰ নাথ ঠাকুৰৰ 'গীতাঞ্জলি' কবিতা ৷🔯