🔯চিৰাঙৰ বিজনীত ড্ৰাগছসহ দুজনক গ্ৰেপ্তাৰ🔯

🔯চিৰাঙৰ বিজনীত ড্ৰাগছসহ দুজনক গ্ৰেপ্তাৰ🔯

📝বিজনীঃ ৫ মেঃ চিৰাং জিলাৰ বিজনীৰ গেৰুকাবাৰী পথৰ ৩ নং ৱাৰ্ডস্থিত পুলিচ চেকপোষ্টত দেওবাৰে সন্ধিয়া ৬ মান বজাত আৰক্ষীয়ে এক অভিযান চলায়। গোপন খবৰৰ ভিত্তিত চলোৱা অভিযানকালত বিজনী আৰক্ষীয়ে ড্ৰাগছসহ গ্ৰেপ্তাৰ কৰে যুৱক দুজনক। যুৱক দুজন ক্ৰমে তাপস ছেত্ৰী (১৮) আৰু দাংচুৰাং বসুমতাৰী (২৯) । দুজনৰ পৰা পাঁচটা ড্ৰাগছভৰ্তি কণ্টেইনাৰ, এখন এ এছ ১৫ এফ ৫১৪০ নম্বৰৰ এখন ১৮০ পালচাৰ বাইক, ২৩২ টকা, মোবাইল হেণ্ডচেটৰ লগতে নথি- পত্ৰ জব্দ কৰে বিজনী আৰক্ষীয়ে । 

জানিব পৰা মতে তাপস ছেত্ৰীৰ ঘৰ বঙাইগাঁৱত আৰু দাংচুৰাং বসুমতাৰীৰ ঘৰ চিৰাং জিলাৰ চাপাগুৰীত। যুৱক দুজনে ড্ৰাগছখিনি বিক্ৰিৰ কৰাৰ বাবে বিজনীলৈ আহিছিল । জব্দ কৰা কণ্টেইনাৰ কেইটাত ৬.২৩ গ্ৰাম ড্ৰাগছ আছিল বুলি আৰক্ষী সূত্ৰে প্ৰকাশ । পাছলৈ ড্ৰাগছ জব্দকৃত সামগ্ৰীসহ ধৃত দুজন যুৱকক গ্ৰেপ্তাৰ কৰি সোধ-পোছৰ বাবে বিজনী থানাত লৈ আনে ।🔯