🔯দশম স্থানেৰে বঙাইগাঁও জিলালৈ সুনাম কঢ়িয়াই আনিলে অনন্যা সূত্ৰধৰে🔯

🔯দশম স্থানেৰে বঙাইগাঁও জিলালৈ সুনাম কঢ়িয়াই আনিলে অনন্যা সূত্ৰধৰে🔯 

🔯ভৱিষ্যতে এগৰাকী প্ৰশাসনিক বিষয়া হোৱাৰ মন কৃতি ছাত্ৰীগৰাকীৰ🔯

📝বঙাইগাঁওঃ ২৭ জুনঃ আজি ঘোষিত উচ্চতৰ মাধ্যমিক চূড়ান্ত পৰীক্ষাৰ ফলাফলত বঙাইগাঁও উচ্চতৰ মাধ্যমিক বিদ্যালয়ৰ (ইংৰাজী মাধ্যম) ছাত্রী অন্যন্যা সূত্ৰধৰে কলা শাখাত ৰাজ্যখনৰ ভিতৰত দশম স্থান দখল কৰি বঙাইগাঁৱৰ লগতে সমগ্ৰ জিলাখনলৈ সুনাম কঢ়িয়াই আনিছে। বঙাইগাঁও চহৰৰ ভাকাৰিভিটাৰ ফাৰ্নিচাৰৰ ব্যৱসায়ী চন্দন সুত্ৰধৰ আৰু কনিকা সূত্ৰধৰৰ কন্যা অনন্যা সূত্ৰধৰে ঘোষিত ফলাফল অনুসৰি আটাইকেইটা বিষয়তে লেটাৰ নম্বৰসহ মুঠ ৪৭৩ নম্বৰ লাভ কৰি ৰাজ্যখনৰ ভিতৰত দশম স্থান দখল কৰে ৷ কৃতি ছাত্ৰীগৰাকীয়ে ইংৰাজী বিষয়ত (৯৩), বিকল্প ইংৰাজীত (অল্টাৰনেটিভ ইংলিচ) (৯০), তৰ্ক বিজ্ঞান আৰু দৰ্শনত (৯৯), ৰাজনীতি বিজ্ঞানত (৯৯), শ্বদেশ অধ্যায়নত (৯২) আৰু শিক্ষাত (৮৯) নম্বৰসহ আটাইকেইটা বিষয়তে লেটাৰ মাৰ্ক অৰ্জন কৰি শতকৰা ৯৪.৬ শতাংশ নম্বৰেৰে এই সাফল্য সফলতা লাভ কৰিবলৈ সক্ষম হৈছে। কৃতি ছাত্ৰী অনন্যাই পাঠ্যপুথি  অধ্যয়ন কৰি নিজে নোটচ বনাই পঢ়ি অহাৰ সমান্তৰালভাৱে বিদ্যালয়ৰ শিক্ষাগুৰু সকলেও ছাত্ৰীগৰাকীক যথেষ্ট সহায় কৰাৰ কথা সংবাদ মাধ্যমৰ আগত ব্যক্ত কৰে৷ পঢ়াৰ কোনো নিৰ্দিষ্ট সময় নাছিল বুলি কৈ যেতিয়াই সময় পায় তেতিয়াই পঢ়া -শুনা কৰিছিল বুলি কয় ৷ ছাত্ৰীগৰাকীয়ে পাঠ্য পুথিৰ উপৰিও আৰ্হি প্ৰশ্নোত্তৰ কাকতৰ সহায় লৈছিল ৷ উল্লেখ্য যে একান্তভাৱে পঢ়িলে জীৱনত সফল হ’ব পাৰি বুলিও অনন্যাই প্ৰকাশ কৰে ৷ 

নিজৰ ফলাফলত সন্তুষ্ট অনন্যাৰ কৃতিত্বৰ নেপথ্যত পিতৃ-মাতৃ তথা বিদ্যালয়খনৰ শিক্ষক-শিক্ষয়ত্ৰী সকলৰ অনুপ্ৰেৰণা আৰু আৰ্শীবাদ অন্তৰ্নিহিত থকাৰ কথাও ব্যক্ত কৰে ৷ ভৱিষ্যতে এগৰাকী প্ৰশাসনিক বিষয়া হোৱাৰ আশা মনত পুহি ৰখা অনন্যাই নিজৰ উচ্চ শিক্ষা গুৱাহাটীৰ কটন বিশ্ববিদ্যালয়ত গ্ৰহণ কৰাৰ কথাও ব্যক্ত কৰে৷ ইপিনে পৰীক্ষাৰ ফলাফল ঘোষণাৰ পিছত বঙাইগাঁও উচ্চতৰ মাধ্যমিক বিদ্যালয় (ইংৰাজী মাধ্যম) ত এক আনন্দমুখৰ পৰিবেশৰ সৃষ্টি হয় ৷  বিদ্যালয়খনৰ স্থানপ্ৰাপ্ত অনন্যাক শিক্ষানুষ্ঠানৰ শিক্ষাগুৰু আৰু ছাত্ৰ- ছাত্ৰীৰ সকলে উষ্ম আদৰণি জনায় ৷ উল্লেখ্য যে বিদ্যালয়খনৰ পৰা এইবাৰ কলা শাখাত মুঠ ৪০ গৰাকী আৰু বিজ্ঞান শাখাত ৩৮ গৰাকী শিক্ষাৰ্থীয়ে পৰীক্ষাত অৱতীৰ্ণ হৈছিল আৰু আটাইকেইগৰাকীয়ে প্ৰথম বিভাগত উত্তীৰ্ণ হৈছে  লাভ কৰিছে ভালেইগৰাকী ছাত্ৰ - ছাত্ৰীয়ে ষ্টাৰ,ডিষ্টিংচন আৰু লেটাৰ ৷🔯