🔯অসম ছাত্ৰ পৰিষদৰ বঙাইগাঁও বিধান পৰিষদৰ উদ্যোগত ১৩৩ গৰাকী কৃতি ছাত্ৰ - ছাত্ৰীক সম্বৰ্ধনা জ্ঞাপন🔯

🔯অসম ছাত্ৰ পৰিষদৰ বঙাইগাঁও বিধান পৰিষদৰ উদ্যোগত ১৩৩ গৰাকী কৃতি ছাত্ৰ - ছাত্ৰীক সম্বৰ্ধনা জ্ঞাপন🔯

🔯অনুষ্ঠানত উপস্থিত থাকিল বিধায়ক ফনীভূষণ চৌধুৰী🔯

📝বঙাইগাঁওঃ ২৭ জুন: অসম ছাত্ৰ পৰিষদৰ বঙাইগাঁও বিধান পৰিষদৰ উদ্যোগত তথা বীৰঝৰা মহাবিদ্যালয় ,বঙাইগাঁও মহাবিদ্যালয় ছাত্ৰ একতা সভা আৰু বীৰঝৰা কন্যা মহাবিদ্যালয় ছাত্ৰী একতা সভাৰ সহযোগত সোমবাৰে  বঙাইগাঁও বিধান সভা সমষ্টিৰ অন্তৰ্গত অসম হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত সুখ্যাতিৰে উৰ্ত্তীণ হোৱা ছাত্র-ছাত্রী সকলক অনুপ্ৰাণিত কৰাৰ উদ্দেশ্যেৰে আয়োজিত এক 'বিশেষ অভিনন্দন' অনুষ্ঠানত অভিনন্দন তথা সম্বৰ্ধনা জনোৱা হয় ৷ বঙাইগাঁও জিলা পুথিভঁৰালত আয়োজিত "বিশেষ অভিনন্দন অনুষ্ঠান"ত সদ্য ঘোষিত 'অসম হাইস্কুল শিক্ষান্ত পৰীক্ষাত বঙাইগাঁও উচ্চতৰ মাধ্যমিক বিদ্যালয়ৰ (ইংৰাজী মাধ্যম)পৰা অসমৰ ভিতৰত দশম স্থান লাভ কৰা কৃতিমান অনুভৱ কপিল আৰু সোমবাৰে ঘোষিত উচ্চতৰ মাধ্যমিক কলা শাখাৰ চূড়ান্ত পৰীক্ষাৰ ফলাফলত একেখন বিদ্যালয়ৰ পৰা ৰাজ্যখনৰ ভিতৰত দশম স্থান লাভ কৰা কৃতি ছাত্ৰী অনন্যা সূত্ৰধৰক অনুষ্ঠানত উপস্থিত থকা বঙাইগাঁও সমষ্টিৰ বিধায়ক ফণীভূষণ চৌধুৰীয়ে বিশেষভাৱে সম্বৰ্ধনা জনায় ৷ 

উল্লেখ্য যে বঙাইগাঁও মহাবিদ্যালয়ৰ অধ্যক্ষ ড° দীনেশ দাস, বঙাইগাঁও মহাবিদ্যালয়ৰ বাণিজ্য শাখাৰ মুৰব্বী অধ্যাপক ড° ফটিক কলিতা, বঙাইগাঁও মহাবিদ্যালয়ৰ শিক্ষা বিভাগৰ মুৰব্বী অধ্যাপিকা ড°ৰূপাঞ্জলী দেৱী, বীৰঝৰা উচ্চতৰ মাধ্যমিক বিদ্যালয়ৰ অধ্যক্ষ কিশোৰ দাস, বঙাইগাঁও উচ্চতৰ মাধ্যমিক বিদ্যালয়ৰ (ইংৰাজী মাধ্যম) অধ্যক্ষ আব্দুল মান্নান, বঙাইগাঁও পৌৰসভাৰ উপ সভাপতি শৈলেন্দ্ৰ সৰকাৰকে ধৰি কেইবাগৰাকীও বিশিষ্ট ব্যক্তিয়ে আমন্ত্ৰিত অতিথি হিচাপে উপস্থিত থকা অভিনন্দন অনুষ্ঠানত হাইস্কুল শিক্ষান্ত পৰীক্ষা আৰু উচ্চতৰ মাধ্যমি কলা শাখাত স্থান লাভ কৰা কৃতি শিক্ষাৰ্থী দুগৰাকীৰ লগতে হাইস্কুল শিক্ষান্ত পৰীক্ষাত ডিষ্টিংচন প্ৰাপ্ত  ৫৬ গৰাকী আৰু ষ্টাৰ প্ৰাপ্ত ৭৫ গৰাকীকে ধৰি মুঠ ১৩৩ গৰাকী ছাত্ৰ- ছাত্ৰীক আমন্ত্ৰিত অতিথিসকলৰ দ্বাৰা সম্বৰ্ধনা জনোৱা হয় ৷ বিশেষ অভিনন্দন অনুষ্ঠানটো বিধায়ক ফনীভূষণ চৌধুৰীয়ে বন্তি প্ৰজ্বলনেৰে শুভাৰম্ভ কৰে ৷ অনুষ্ঠানত অসম ছাত্ৰ পৰিষদৰ কেন্দ্ৰীয় সাধাৰণ সম্পাদক মনোৰঞ্জন ভাগৱতী, অসম ছাত্ৰ পৰিষদৰ বঙাইগাঁও বিধান পৰিষদৰ সভাপতি ধনজিৎ ৰায়, যুটীয়া সম্পাদক দীপলু নাথ, ধনজিৎ বৰুৱা, অভ্যৰ্থনা সমিতিৰ সভানেত্ৰী শিল্পা মাহাতো, বঙাইগাঁও মহাবিদ্যালয় ছাত্ৰ একতা সভাৰ সাধাৰণ সম্পাদক কল্পজ্যোতি সিংহ, বীৰঝৰা মহাবিদ্যালয় ছাত্ৰ একতা সভাৰ সাধাৰণ সম্পাদক অনুপ সেখ, বীৰঝৰা কন্যা মহাবিদ্যালয় ছাত্ৰী একতা সভাৰ সাধাৰণ সম্পাদিকা প্ৰতীক্ষা শইকীয়া আদিকে ধৰি অনুষ্ঠানটো আয়োজনৰ লগত জড়িতসকল উপস্থিত থাকে ৷ অভিনন্দন অনুষ্ঠানত কৃতি ছাত্ৰ- ছাত্ৰীসকলক গামোচা, মান পত্ৰ, ফুলৰ থোপা আৰু একোডালকৈ গছ পুলিৰে সম্বৰ্ধনা জনোৱা হয় ৷🔯