🔯বঙাইগাঁৱত পথ দুৰ্ঘটনাত থিতাতে নিহত এজন🔯

🔯বঙাইগাঁৱত পথ দুৰ্ঘটনাত থিতাতে নিহত এজন🔯

🔯গুৰুতৰভাৱে আহত আন এজন যুৱক🔯

📝বঙাইগাঁওঃ ১০ জুলাই: ঈদৰ আনন্দৰ মাজতে আজি পুৱাৰ ভাগত বঙাইগাঁও জিলাৰ ৰাখালডুবিৰ সমীপৰ হাপাচাৰাত সংঘটিত এক পথ দুৰ্ঘটনাত এজন বুলেট আৰোহী থিতাতে নিহত হোৱাৰ বিপৰীতে আন এজন যুৱক গুৰুতৰভাৱে আহত হয় ৷ নিহত যুৱকজন বঙাইগাঁও সদৰ থানাৰ অন্তৰ্গত ১ নং গাৰুগাঁৱৰ নূৰজামাল হক (২০)  ৷ আনহাতে দুৰ্ঘটনাটোত গুৰুতৰভাৱে আহত হয় একে গাঁৱৰে ইয়াকুল আলী( ১৭) ৷ জানিব পৰা মতে গাৰুগাঁৱৰ নূৰজামাল হক আৰু ইয়াকুল আলীয়ে ঈদোজ্জোহাৰ নামাজ সামৰি এ এছ ১৯ এম ৩১৫৮ নম্বৰৰ ৰয়েল এনফিল্ড বুলেটলৈ ঘৰৰ পৰা ওলাই ৰাষ্ট্ৰীয় ঘাই পথেৰে তীব্ৰ বেগত ৰাখালডুবিৰ দিশে আহি থকা অৱস্থাত নিয়ন্ত্ৰণ হেৰুৱাই পথৰ দাঁতিৰ এডাল গছত খুন্দা মাৰে ৷ ফলত নূৰজামাল হকৰ থিতাতে মৃত্যু হোৱাৰ বিপৰীতে ইয়াকুল আলী গুৰুতৰভাৱে আহত হয় ৷ ইপিনে পথ দুৰ্ঘটনাৰ খবৰ পাই ঘটনাস্থলীত বঙাইগাঁও যান বাহন শাখাৰ আৰক্ষী উপস্থিত হয় আৰু পথ দুৰ্ঘটনাত পতিত হোৱা দুয়োকে উদ্ধাৰ কৰি বঙাইগাঁৱৰ এখন ব্যক্তিগত চিকিৎসালয়লৈ চিকিৎসাৰ বাবে আনে যদিও চিকিৎসকে নূৰজামাল হকক মৃত বুলি ঘোষণা কৰে ৷ গুৰুতৰভাৱে আহত ইয়াকুল আলী সম্প্ৰতি চিকিৎসাধীন হৈ আছে ৷ আৰক্ষীয়ে দুৰ্ঘটনাগ্ৰস্ত বুলেটখনো উদ্ধাৰ কৰি থানালৈ আনে ৷ ঈদৰ আনন্দৰ দিনাই এইদৰে পথ দুৰ্ঘটনাত এজন যুৱকে প্ৰাণ হেৰুওৱাত অঞ্চলটোত শোকৰ ছাঁ পৰিছে ৷ পথ দুৰ্ঘটনাটো পুৱা ৯ঃ ৪০ মান বজাত সংঘটিত হয় ৷🔯