🔯পৰৱৰ্তী ৰাষ্ট্ৰপতি হিচাপে দ্ৰৌপদী মুৰ্মু নিৰ্বাচিত🔯

🔯পৰৱৰ্তী ৰাষ্ট্ৰপতি হিচাপে দ্ৰৌপদী মুৰ্মু নিৰ্বাচিত🔯 

🔯বঙাইগাঁৱত ফটকা ফুটাই , ঝুমুৰ নৃত্য কৰি আনন্দ প্ৰকাশ আদিবাসী লোকৰ🔯

📝বঙাইগাঁওঃ২১ জুলাইঃ ভাৰতৰ প্ৰথমগৰাকী আদিবাসী জনগোষ্ঠীৰ মহিলা ৰাষ্ট্ৰপতি হিচাপে দ্ৰৌপদী মুৰ্মু নিৰ্বাচিত হোৱাত উৎফুল্লিত হৈ পৰিছে বঙাইগাঁৱৰ আদিবাসী লোকসকল ৷ দেশৰ পৰৱৰ্তী ৰাষ্ট্ৰপতি হিচাপে দ্ৰৌপদী মুৰ্মু নিৰ্বাচিত হোৱাৰ বাতৰি বিয়োপি পৰা পিচতে  বঙাইগাঁৱৰ বীৰঝৰা চাহ বাগিচাত আদিবাসী লোকসকলে ফটকা ফুটাই, ঝুমুৰ নৃত্যৰে আনন্দ প্ৰকাশ কৰে ৷ ইপিনে আদিবাসী জনগোষ্ঠীৰ নেতা হীৰু বাগদীয়ে কয় যে আমি আজি নথৈ আনন্দিত হৈছো আৰু গৌৰাম্বিত হৈছো যে চৰকাৰে আমাৰ আদিবাসী জনগোষ্ঠীৰ মহিলা দ্ৰৌপদী মুৰ্মুক ৰাষ্ট্ৰপতিৰ আসনত বহিবলৈ সুযোগ দিছে ৷ 

কিন্তু এই আনন্দৰ মাজতো আমাৰ এটাই দুখ যে সমগ্ৰ ভাৰততে আমি আদিবাসী বুলি জনাজাত বা পৰিচিত যদিও অসমত আমাক চাহ জনগোষ্ঠী বুলিহে পৰিচয় দিয়া হয় ৷ এয়া আমাৰ কাৰণে চৰম দুৰ্ভাগ্য ৷ গতিকে আমি অসম চৰকাৰক আহ্বান জনাওঁ যে যিহেতু আমাৰ আদিবাসী সম্প্ৰদায়ৰ মহিলা দেশৰ পৰৱৰ্তী ৰাষ্ট্ৰপতিৰ আসনত বহিব ,সেয়ে আজিৰ পৰা আমাৰ গাত আৰু যাতে চাহ জনগোষ্ঠী শব্দটো লগাই নিদিয়ে ৷ এতিয়াৰে পৰা আমি যাতে আদিবাসী হিচাপেহে স্বীকৃত হওঁ আৰু অসমৰ ৰাইজ তথা চৰকাৰেও আদিবাসী হিচাপেহে স্বীকৃতি দিয়ে তাকে কামনা কৰিছো ৷ 🔯