🔯বঙাইগাঁও চহৰৰ মাজেৰে চলিব নোৱাৰিব গধুৰ বাহন🔯

🔯বঙাইগাঁও চহৰৰ মাজেৰে চলিব নোৱাৰিব গধুৰ বাহন🔯 

🔯কালী পূজা উপলক্ষ্যে বিশেষ নিৰ্দেশনা🔯 

📝বঙাইগাঁওঃ ২৩ অক্টোবৰঃ কালী পূজা আৰু দীপাৱলী উপলক্ষ্যে বঙাইগাঁও চহৰত জিলা প্ৰশাসনে দিছে বিশেষ নিৰ্দেশনা। সেই অনুসৰি চাপাগুৰিৰ পৰা বঙাইগাঁও চহৰৰ মাজেৰে উত্তৰ শালমাৰালৈ যোৱা চিলাৰায় পথেৰে কালী পূজা চাবলৈ চহৰখনৰ মাজেৰে বহুলোক অহা-যোৱা কৰি ভিৰ কৰাৰ সময়ত গধুৰ যান-বাহনৰ চলাচলে অসুবিধাৰ সৃষ্টি কৰাৰ আশংকা কৰি আৰু দীপাৱলী উপলক্ষ্যে চহৰখনত ফটকা ফুটোৱা কাৰ্যতো অসুবিধা হ'ব বুলি আশংকা কৰি বঙাইগাঁও জিলাৰ জিলা দণ্ডাধীশ নবদ্বীপ পাঠকৰ এক নিৰ্দেশনামৰ্মে আজিৰে পৰা অক্টোবৰ ২৫ অক্টোবৰলৈ গধুৰ যান-বাহন চলাচলত বিশেষ নিয়ম বান্ধি দিছে। তদুপৰি বিয়লি ৩ বজাৰ পৰা নিশা ১০ বজালৈ পৰিয়ালৰ সৈতে পূজা চাবলৈ অহা লোকৰ নিৰাপত্তাৰ বাবে চহৰখনৰ মাজেৰে গধুৰ যান-বাহন চলাচলত সাময়িকভাৱে বিশেষ পথ নিৰ্দেশনা দিয়া হৈছে। সেই অনুসৰি ছয় চকীয়া বা তাতকৈ গধুৰ যান-বাহন, ডাম্পাৰ, মাটি কঢ়িওৱা ট্ৰেক্টৰ আদি হাপাচাৰা-টুলুঙীয়া-যোগীঘোপা সংযোগী পথেৰে চলাচল কৰাৰ নিৰ্দেশনা জাৰি কৰা হৈছে। আনহাতে অত্যাৱশ্যকীয় সামগ্ৰী কঢ়িওৱা ট্ৰাক আদি ভাৰতীয় খাদ্য নিগমৰ পৰা নিউ বঙাইগাঁও ৰে'ল ষ্টেশ্যনলৈ দোলাইগাঁও-কুকুৰমাৰী আৰু ৩৭ নং ৰাষ্ট্ৰীয় ঘাইপথেৰে নিশা ১২ বজাৰ পৰা পুৱা ৬ বজালৈ চলাচলৰ বাবে অনুমতি প্ৰদান কৰিছে জিলা দণ্ডাধীশৰ নিৰ্দেশনাটোত। এই নিৰ্দেশনা তৎকালীনভাৱে বলবৎ হ'ব আৰু  ২৬ অক্টোবৰৰ মাজনিশা পৰ্যন্ত বাহাল থাকিব।🔯