🔯বঙাইগাঁও জিলাৰ পাতিলাদহা, ওদলাগুৰিত জুৱাৰ বিৰুদ্ধে আৰক্ষীৰ অভিযানঃ আটক ১১ জুৱাৰী🔯

🔯বঙাইগাঁও জিলাৰ পাতিলাদহা, ওদলাগুৰিত জুৱাৰ বিৰুদ্ধে আৰক্ষীৰ অভিযানঃ আটক ১১ জুৱাৰী🔯🔯বঙাইগাঁৱতো উৎসাত জুৱাখেল🔯

📝বঙাইগাঁওঃ ২৭ অক্টোবৰঃ কালী পূজাৰ মাজতে আৰক্ষীয়ে জিলাখনৰ বিভিন্ন ঠাইত জুৱাৰ বিৰুদ্ধে অভিযান তীব্ৰতৰ কৰি এঘাৰজনকৈ জুৱাৰীক আটক কৰিবলৈ সক্ষম হৈছে ৷ এক গোপন সূত্ৰৰ পম খেদি বুধবাৰৰ সন্ধিয়া প্ৰায় ৭-৪০ বজাত বঙাইগাঁও জিলাৰ মাণিকপুৰ থানাৰ আৰক্ষীয়ে পাতিলাদহাত অভিযান চলাই অশোক শীল, সহদেৱ কর্মকাৰ, পিন্টু বিশ্বাস, বিকাশ কর্মকাৰ, বিনয় কর্মকাৰ আৰু সুজন কর্মকাৰক আটক কৰিবলৈ সক্ষম হয় ৷ আৰক্ষীয়ে তেওঁলোকৰ পৰা নগদ ২,১৬০ টকা, এখন ঝাণ্ডি মুণ্ডা জুৱা খেলৰ সামগ্ৰী আৰু এটা মোবাইল হেণ্ডছেট জব্দ কৰিবলৈ সক্ষম হয় ৷ ধৃত লোককেইজনৰ বিৰুদ্ধে আছাম গেম এণ্ড বেটিং এক্ট ১৯৭০ ৰ অধীনত  ১৮২/২২ নম্বৰৰ এক গোচৰ ৰুজু কৰিছে৷

আনহাতে মাণিকপুৰ আৰক্ষীয়ে এক গোপন সূত্ৰৰ খবৰৰ ভিত্তিত ওদলাগুৰিত জুৱা খেলৰ বিৰুদ্ধে দ্বিতীয়টো অভিযান চলাই টিকেন চন্দ্ৰ ৰায়, দিলীপ কুমাৰ ৰায়, ভৈৰবেন্দ্ৰ ৰায়, দেৱৰাম বড়ো আৰু ভোগৰাম ৰায়ে ধৰি পাঁচজন জুৱাৰীক আটক কৰে ৷ ধৃত জুৱাৰী সকলৰ পৰা আৰক্ষীয়ে নগদ ৪,৯১০ টকা, জুৱা খেলত ব্যবহৃত সামগ্ৰী, এখন  কম্বল, এখন প্লাষ্টিকৰ টেবুল কভাৰ, এটা গেছ লাইট জব্দ কৰিছে ৷ ধৃত লোককেইজনৰ বিপক্ষে আছাম গেম এণ্ড বেটিং এক্ট ১৯৭০ ৰ অধীনত  ১৮১/২২ নম্বৰৰ এটা গোচৰ ৰুজু কৰিছে ৷ ইপিনে বঙাইগাঁও আৰক্ষীয়ে বুধবাৰৰ নিশা বঙাইগাঁও সদৰ থানাৰ অন্তৰ্গত ছিপনছিলা, মেছপাৰাৰ লগতে বৰপাৰা পাহাৰতলী আদি এলেকাত অভিযান চলাই জুৱাখেল উৎখাত কৰাৰ লগতে জুৱাৰীক ছত্ৰভংগ দিয়ে ৷ সেইদৰে বৰপাৰা বাছ আস্থানৰ ওচৰৰ এটা গেৰেজৰ ভিতৰত চলি থকা তাচ খেলো উৎসাত কৰে ৷🔯