🔯বঙাইগাঁও জিলাৰ বইটামাৰী কায়েথপাৰাত বিদ্যুৎপৃষ্ট হৈ কিশোৰৰ মৃত্যু🔯

🔯বঙাইগাঁও জিলাৰ বইটামাৰী কায়েথপাৰাত বিদ্যুৎপৃষ্ট হৈ কিশোৰৰ মৃত্যু🔯

📝বঙাইগাঁওঃ ২৩ অক্টোবৰঃ বঙাইগাঁও জিলাৰ বইটামাৰী আৰক্ষী চকীৰ অন্তৰ্গত কায়েথপাৰা ১ম খণ্ডত দেওবাৰে বিদ্যুৎপৃষ্ট হৈ এটি কিশোৰৰ কৰুণ মৃত্যু হয় ৷ জানিব পৰা মতে উচ্চ ক্ষমতা সম্পন্ন বিদ্যুৎ পৰিবাহী তাঁৰত লাগি গাঁওখনৰ জুৰান আলীৰ পুত্ৰ আমিৰ হামজা ( ১৪) ৰ মৃত্যু হয় ৷ কিশোৰটিয়ে বিয়লি সমনীয়াৰ সৈতে খেলি থকা অৱস্থাত খেলপথাৰৰ ওপৰেৰে যোৱা বিদ্যুৎ পৰিবাহী তাঁৰত লাগি মৃত্যুক সাৱতি লয় ৷ উল্লেখ্য যে খেলপথাৰৰ ওপৰেদি অসুৰক্ষিতভাৱে কম উচ্চতাৰে বিদ্যুৎ বিভাগে বিদ্যুৎ পৰিবাহী তাঁৰ সংযোগ কৰা বাবেই উক্ত ঘটনা সংঘটিত হয় বুলি ৰাইজে অভিযোগ উত্থাপন কৰিছে । বিদ্যুৎ বিভাগৰ  ওপৰত তীব্ৰ ক্ষোভ ব্যক্ত কৰিছে ৰাইজে ৷ স্থানীয় ৰাইজে চৰকাৰক দুখীয়া পৰিয়ালটিক ক্ষতিপূৰণ আগবঢ়াবলৈকো দাবী উত্থাপন কৰিছে ৷🔯