🔯আসাম ষ্টেট পাৱাৰ ৱ'কাৰ্চ ইউনিয়নৰ কেন্দ্ৰীয় কাৰ্যনিৰ্বাহক সভা🔯

🔯আসাম ষ্টেট পাৱাৰ ৱ'কাৰ্চ ইউনিয়নৰ কেন্দ্ৰীয় কাৰ্যনিৰ্বাহক সভা🔯

🔯পুৰণি পেঞ্চন নীতি বাহাল ৰখাৰ দাবীত ৮ নভেম্বৰত দিছপুৰ চলো কাৰ্যসূচী ৰূপায়ণৰ আহ্বান🔯

📝বঙাইগাঁওঃ ২৩ অক্টোবৰঃ আসাম ষ্টেট পাৱাৰ ৱ'কাৰ্চ ইউনিয়নে পুৰণি পেঞ্চন নীতি বাহাল ৰখাৰ দাবীত ৮ নভেম্বৰত দিছপুৰ চলো কাৰ্যসূচী ঘোষণা কৰিছে ৷ উল্লেখ্য যে গুৱাহাটীৰ অসম কলেজ শিক্ষক সন্থাৰ ভৱনত ১৬ অক্টোবৰত সভাপতি আৰু কাৰ্যকৰী সভাপতি ক্ৰমে সুখেন গগৈ আৰু টৈলেন্দ্ৰ শইকীয়াৰ সভাপতিত্বত অনুষ্ঠিত আসাম ষ্টেট পাৱাৰ ৱ’কাৰ্চ ইউনিয়নৰ কেন্দ্ৰীয় কাৰ্যনিৰ্বাহক সভাত ইউনিয়নৰ ডিব্ৰুগড় অধিৱেশনত গৃহীত ১৫ দফীয়া দাবী চনদ আদায়ৰ বাবে অনতি পলমে আন্দোলনৰ কাৰ্যসুচী গ্ৰহণ কৰিব বুলি প্ৰচাৰ সম্পাদক চিদ্দিক আহেমদে বাতৰি কাকতলৈ দিয়া বিবৃতিত জানিবলৈ দিয়ে । অসমৰ বিভিন্ন প্ৰান্তৰৰ পৰা অহা অৰ্ধ শতাধিক বিষয়ববীয়াৰ উপস্থিতিত সাধাৰণ সম্পাদক অমিত কৰে সভাত উদ্দেশ্য ব্যাখ্যা কৰি পুৰণি পেঞ্চন নীতি বাহাল ৰখাৰ দাবীত ৮ নভেম্ববৰত দিছপুৰ চলো কাৰ্যসূচী আৰু ১৫ দফীয়া দাবী আদায়ৰ দাবীত আন্দোলৰ কাৰ্যসুচী ৰূপায়ণৰ আহ্বান জনায়।উল্লেখ্য যে পাৱাৰ ৱ'কাৰ্চ ইউনিয়নৰ পৰা তৃতীয় আৰু চতুৰ্থ বৰ্গৰ কৰ্মচাৰীৰ পদোন্নতি, অস্থায়ী কৰ্মচাৰীসকলৰ সমস্যা সমাধান, কৰ্মচাৰীৰ সেৱা বিধি আদি সমাধানৰ দাবী কৰি অহা হৈছে যদিও কৰ্তৃপক্ষই বিভিন্ন অজুহাতত বিষয়বোৰ গাপ দি ৰাখিছে। সভাত মুখ্য উপদেষ্টা ব্ৰজেন বৰি  উপস্থিত থাকি কৰ্তৃপক্ষই সহজতে সমাধান কৰিব পৰা সমস্যাসমূহো গাপ দি ৰাখি কৰ্মচাৰীসকলক আন্দোলনৰ পথলৈ ঠেলি দিয়া কাৰ্যক ক্ষুৰধাৰ সমলোচনা কৰি কৰ্তৃপক্ষক সৌহাৰ্দ্য মূলক আলোচনাৰে সমাধান কৰিবলৈ আহ্বান জনায়। সভাত বিভিন্ন শাখাৰ বিষয়ববীয়াসকলে স্থানীয় সমস্যাসমূহ উত্থাপন কৰি কেন্দ্ৰীয় সমিতিৰ হস্তক্ষেপ বিচাৰে ।🔯