🔯বীৰ লাচিতৰ ৪০০ সংখ্যক জয়ন্তীঃবঙাইগাঁও জিলা আৰক্ষী প্ৰশাসনৰ উদ্যোগত চাফাই আৰু ৰক্তদান কাৰ্যসূচী🔯

🔯বীৰ লাচিতৰ ৪০০ সংখ্যক জয়ন্তীঃবঙাইগাঁও জিলা আৰক্ষী প্ৰশাসনৰ উদ্যোগত চাফাই আৰু ৰক্তদান কাৰ্যসূচী🔯

📝বঙাইগাঁওঃ ২০ নবেম্বৰঃ ৰাজ্যজুৰি সপ্তাহজোৰা কাৰ্যসূচীৰে উদযাপন কৰা লাচিত বৰফুকনৰ ৪০০ বছৰীয়া জয়ন্তীৰ লগত সংগতি ৰাখি দেওবাৰে বঙাইগাঁও জিলা আৰক্ষী প্ৰশাসনৰ উদ্যোগত বঙাইগাঁও অসামৰিক চিকিৎসালয় প্ৰাংগণত এক চাফাই কাৰ্যসূচী গ্ৰহণ কৰাৰ লগতে ৰক্তদান আৰু চিকিৎসালয়খনৰ ৰোগীসকলৰ মাজত ফলমূল বিতৰণ কৰে ৷ 

চাফাই কাৰ্যসূচীৰ আৰম্ভণিতে বীৰ লাচিত বৰফুকনৰ প্ৰতিচ্ছবিত পশ্চিম অসম সংমণ্ডলৰ আই জি পি দিলীপ কুমাৰ দে , জিলা আৰক্ষী অধীক্ষক স্বপ্ননীল ডেকাৰ লগতে চিকিৎসালয়ৰ চিকিৎসক তথা আৰক্ষী বিভাগৰ আন বিষয়াসকলে শ্ৰদ্ধাঞ্জলি জনায় ৷ ইয়াৰ পিচতে চাফাই কাৰ্যসূচী আৰম্ভ কৰাৰ লগতে আৰক্ষীৰ বিভিন্নজনে ৰক্তদান কৰে ৷ আনহাতে আৰক্ষী প্ৰশাসনৰ তৰফৰ পৰা চিকিৎসালয়খনত চিকিৎসাধীন ৰোগীসকলৰ মাজত ফলমূল বিতৰণ কৰে ৷ চাফাই কাৰ্যসূচীত জিলা আৰক্ষী অধীক্ষক কাৰ্যালয়ৰ কৰ্মচাৰীসকলেও অংশ গ্ৰহণ কৰে ৷🔯