NEWS 4 BONGAIGAON

👉লকডাউনঃ বঙাইগাঁও জিলা প্ৰশাসনে জাৰি কৰিছে কেতবোৰ নিষেধাজ্ঞা

👉দুচকীয়া বাহনতো উঠিব নোৱাৰিব দুজন ব্যক্তি

                       

                          🔯বঙাইগাঁও ১৯ এপ্ৰিলঃ

🔯 মহামাৰী ন'ভেল কোৰোনা ভাইৰাছৰ সংক্ৰমণ প্ৰতিৰোধৰ বাবে দেশজুৰি চলি থকা লকডাউনৰ সময়ছোৱাত বঙাইগাঁও জিলা প্ৰশাসনে  জিলাখনত গুটখা, ধপাত, পান মচলা আদি খোৱা আৰু বিক্ৰী বন্ধ কৰাৰ উপৰিও ৰাজহুৱা স্থানত থু-খেঁকাৰ পেলোৱা, মাস্ক পৰিধান নকৰাকৈ ৰাজহুৱা স্থানত ঘুৰা- ফুৰা কৰা আদিৰ ওপৰত কঠোৰ নিষেধাজ্ঞা জাৰি কৰিছে । লগতে বঙাইগাঁও জিলাৰ সমূহ চৰকাৰী- বেচৰকাৰী হাস্পতাল , নাৰ্ছিংহোম , শিক্ষানুষ্ঠান, সকলো কাৰ্যালয়, বেচৰকাৰী আৰু ৰাজহুৱা প্ৰতিষ্ঠানকে ধৰি সকলো ব্যৱসায়িক প্ৰতিষ্ঠানৰ গৰাকীক নিজ নিজ কাৰ্যালয় আৰু প্ৰতিষ্ঠানৰ চৌহদত বা সন্মুখত কোৰোনা ভাইৰাছ প্ৰতিৰোধ সন্দৰ্ভত এখনকৈ সতৰ্কতামূলক বেনাৰ আঁৰি ৰাখিবৰ বাবেও জিলা প্ৰশাসনে সকলোকে আহ্বান জনাইছে । তাৰোপৰি প্ৰতিটো প্ৰতিষ্ঠানৰ সন্মুখত হাত ধোঁৱাৰ সুবিধা মজুত ৰাখিবলৈ নিৰ্দেশ জাৰি কৰিছে । ওপৰোক্ত বাধ্যতামূলক নিৰ্দেশনাসমূহ মানি চলাৰ বাবে উপায়ুক্ত ডাঃএম এচ লক্ষ্মীপ্ৰিয়াই  সকলোকে অনুৰোধ জনাইছে। ইয়াৰ উপৰিও প্ৰত্যেকটো কাৰ্যালয় বা প্ৰতিষ্ঠানে য'ত সাধাৰণ লোক সমবেত হয় তাত সামাজিক দূৰত্ব বজাই ৰখাৰ বাবে চিহ্নকৰণৰ ব্যৱস্থা কৰিবলৈ নিৰ্দেশ জাৰি কৰিছে ।  জিলাখনৰ অন্তৰ্গত সমূহ বেংক প্ৰতিষ্ঠান সমূহকো বিষয়টো গুৰুত্বসহকাৰে লৈ নিজ নিজ কাৰ্যালয়ত সতৰ্কতামূলক প্ৰয়োজনীয় ব্যৱস্থা গ্ৰহণ কৰিবলৈ আহ্বান জনাইছে । ইপিনে সমগ্ৰ  জিলাখনতে দুচকীয়া বাহন চলাচলৰ ক্ষেত্রত কিছু কঠোৰ নিৰ্দেশনা জাৰি কৰিছে ৷ সেই অনুসৰি এতিয়াৰে পৰা দুচকীয়া বাহনত দুজনকৈ ব্যক্তি  উঠাৰ ক্ষেত্ৰত নিষেধাজ্ঞা জাৰি কৰিছে জিলা প্ৰশাসনে ৷