NEWS 4 BONGAIGAON

👉বঙাইগাঁৱত চিটুৰ প্ৰতিবাদী কাৰ্যসূচী 

👉ভাষণ নহয় ,ৰেচন লাগে ,প্ৰবচন নহয় বেতন লাগে 

🔯বঙাইগাঁওঃ২১ এপ্ৰিলঃ 

🔯 চি আই টি ইউৰ  বঙাইগাঁও- চিৰাং জিলা কমিটিৰ উদ্যোগত কোভিড- ১৯ সম্পৰ্কিত নিৰ্দেশনা বিধি মানি চলি মঙলবাৰে পুৱা ১০ঃ৩০ বজাৰ পৰা দহ মিনিট সময় চিটুৰ কৰ্মীসকলে উদ্যোগ ক্ষেত্ৰসমূহৰ বিভিন্ন স্থানত প্লেকাৰ্ডলৈ প্ৰতিবাদী কাৰ্যসূচী ৰূপায়ণ কৰে ৷ এই কাৰ্যসূচী বঙাইগাঁও জিলা চিটুৰ কাৰ্যালয় প্ৰাংগণৰ লগতে বঙাইগাঁৱৰ বিভিন্ন শ্ৰমিক ক্ষেত্ৰৰ উপৰিও ঢালিগাঁও শোধনাগাৰ ,মাণিকপুৰ ,বিজনী আদিতো ৰূপায়ণ কৰে ৷ মূলত ভাষণ নহয় ,ৰেচন লাগে ,প্ৰবচন নহয় বেতন লাগে শীৰ্ষক দাবীলৈ এই প্ৰতিবাদী কাৰ্যসূচী ৰূপায়ণ কৰে ৷ চিটুই কোৰোনা সংক্ৰমণৰ পৰীক্ষা কেন্দ্ৰৰ সংখ্যা বৃদ্ধি কৰা , লকডাউনৰ সময়ত সকলো শ্ৰমিক- কৰ্মচাৰীয়ে মজুৰি অথবা দৰমহা পোৱাটো চৰকাৰে নিশ্চিত কৰা, ঠিকা শ্ৰমিক,কেজুৱেল শ্ৰমিকসহ শ্ৰমিক চাটাই বন্ধ ৰখা আৰু লকডাউনৰ সময়ত অসংগঠিত খণ্ডৰ শ্ৰমিক পৰিয়ালক কমেও ৫ হাজাৰ টকাকৈ চৰকাৰী সাহাৰ্য প্ৰদানৰ দাবী জনায় ৷

 ইপিনে বঙাইগাঁও- চিৰাং জিলা কমিটিৰ সভাপতি হৰেশ্বৰ দাসে কাৰ্যসূচী ৰূপায়ণ সন্দৰ্ভত এক প্ৰেছটোকাত কয় যে লকডাউনৰ সময়চোৱাত ঘৰতে আৱদ্ধ হৈ থাকিবলগীয়া হোৱাত শ্ৰমিক পৰিয়ালসহকাৰে অৰ্দ্ধহাৰে- অনাহাৰে এক অবৰ্ণনীয় পৰিস্থিতিত আছে ৷ কেন্দ্ৰ তথা ৰাজ্য চৰকাৰে সদম্ভে ঘোষণা কৰা স্বত্বেও এই অঞ্চলৰ কেইবাটাও কল- কাৰখানাৰ মালিকে কৰ্মহীন শ্ৰমিকক দৰমহা আদায় দিয়াৰ পৰা বিৰত আছে ৷ তদুপৰি অটো, টেম্প',ই- ৰিক্সাচালক তথা দৈনিক মজুৰী কৰি কাম কৰা শ্ৰমিকসকলে দীৰ্ঘদিন আয়ৰ পৰা বঞ্চিত হৈ আছে ৷ সেয়ে এইসকল দূৰ্ভগীয়া শ্ৰমিকৰ বাবে তৎকালিনভাৱে আৰ্থিক সাহাৰ্য দিবৰ বাবে চৰকাৰৰ ওচৰত দাবী জনায় ৷