NEWS 4 BONGAIGAON

👉কোৱাৰেণ্টাইনঃঃ

👉বঙাইগাঁও খণ্ড প্ৰাথমিক স্বাস্থ্য কেন্দ্ৰৰ চিকিৎসক - নাৰ্চসহ স্বাস্থ্যকৰ্মীসকলক যাবলৈ দিয়া হ'ল নিজ নিজ ঘৰলৈ 

                           বঙাইগাঁওঃ১৮ মেঃ

 🔯বঙাইগাঁৱত ইনষ্টিটিউচনেল কোৱাৰেন্টাইনৰ নিৰ্ধাৰিত সময় শেষ হোৱাত নিজ নিজ ঘৰলৈ যাবলৈ দিয়া হ'ল ৫৯ জন কোৰোনা যোদ্ধাক ৷ বঙাইগাঁও খণ্ড প্ৰাথমিক স্বাস্থ্য কেন্দ্ৰৰ চিকিৎসক -নাৰ্চসহ স্বাস্থ্যকৰ্মীৰ ৫৯ জনীয়া কোৰোনা প্ৰতিৰোধী যুঁঁজৰ এই দলটোক বিগত ৩০ এপ্ৰিলত চহৰখনৰ হোটেল শিৱালীত কোৱাৰেণ্টাইন কৰা হৈছিল ৷ উল্লেখ্য যে যোৱা ৩০ এপ্ৰিলত স্বাস্থ্য কেন্দ্ৰটোৰ ববিতা বাছফৰ নামৰ চাফাই কৰ্মীগৰাকীৰ লগতে অনুপম ঠাকুৰীয়া নামৰ স্বাস্থ্যকৰ্মীজনৰ দেহত কোভিড -১৯ পজিটিভ ধৰা পৰাৰ পাছতে এই স্বাস্থ্যকেন্দ্ৰটো চীল কৰাৰ লগতে স্বাস্থ্য কেন্দ্ৰটোত কৰ্মৰত সকলো চিকিৎসক- নাৰ্ছ আৰু স্বাস্থ্যকৰ্মী সকলক কোৱাৰেণ্টাইন কৰা হৈছিল ৷ পিছত ১৭ দিনৰ মূৰত দেওবাৰে নিশা এই  সকলক হোটেল শিৱালীৰ কোৱাৰেণ্টাইন কেন্দ্ৰটোৰ পৰা নিজ নিজ ঘৰলৈ যাব দিয়া হয় ৷ 

এই উপলক্ষে নিশা হোটেলৰ বাহিৰত কোৰোনা         যোদ্ধাসকলক আদৰণি জনাই এক অনুষ্ঠানৰো   আয়োজন কৰা হয় ৷ অনুষ্ঠানত এই ৫৯ জনীয়া   কোৰোনা যোদ্ধাৰ দলটোক স্থানীয় বিধায়ক তথা ৰাজ্য   চৰকাৰৰ মন্ত্ৰী ফনীভূষণ চৌধুৰী আৰু জিলা উপায়ুক্ত   ডাঃ এম এচ লক্ষ্মীপ্ৰিয়াই একোখনকৈ ফুলাম   গামোছাৰে সম্বৰ্ধনা জনায় ৷ লগতে চকলেটৰ   টোপোলাও উপহাৰ হিচাপে প্ৰদান কৰা হয় সকলোকে ৷ কোৰোনা যোদ্ধাৰ এই দলটোক উৎসাহ যোগোৱাৰ   কাৰনে জিলা উপায়ুক্ত গৰাকীয়ে আনকি নিজেই 'মিলে সুৰ মেৰা তুমহাৰা' নামৰ গীতটিও পৰিবেশন কৰে ৷ এই দলটোক সন্মান জনোৱাৰ উদ্দেশ্যে হোটেল শিৱালীৰ সন্মুখত শতাধিক চাকিও জ্বলোৱা হয় ৷ 

  নিশা প্ৰায় ৯ বজাৰ পাছত নিজ নিজ ঘৰলৈ যাব দিয়া    হয় কোৱাৰেণ্টাইনত থকা দলটোক ৷ উল্লেখ্য যে     বঙাইগাঁও জিলাৰ পাঁচজনকৈ ব্যক্তি কোভিড-১৯ ত   আক্ৰান্ত হোৱাৰ পিছত নতুনকৈ আৰু কোনো ব্যক্তি   আক্ৰান্ত হোৱা নাই ৷ তাৰোপৰি কোৱাৰেণ্টাইনত   থকাসকলৰ নমুনাৰ ফলাফলসমূহ নিগেটিভ আহিছে   বুলি জিলা প্ৰশাসনৰ তৰফৰ পৰা জানিব পৰা গৈছে ৷

             News4Bongaigaon