NEWS 4 BONGAIGAON

👉বঙাইগাঁও জিলা উপায়ুক্তৰ কোৱাৰেণ্টাইন কেন্দ্ৰ পৰিদৰ্শন 

                      বঙাইগাঁও ৭ মেঃ

🔯বঙাইগাঁও জিলাত কোভিড- ১৯ ৰ প্ৰাদূৰ্ভাব প্ৰতিৰোধ কৰাৰ সন্দৰ্ভত সতৰ্কতামূলক ব্যৱস্থা গ্ৰহণৰ হেতু  বঙাইগাঁও জিলা প্ৰশাসনে জিলাখনত ইতিমধ্যেই  থকা সা-সুবিধা খিনিকে পৃথকীকৰণ কোৱাৰেণ্টাইন কেন্দ্ৰ হিচাপে ৰুপান্তৰিত কৰাৰ বাবে তৎপৰতা অবলম্বন  কৰিছে । বৰ্ত্তমান সময়ত জিলাখনত ১৩৪ টা  কোৱাৰেণ্টাইন কেন্দ্ৰত ৩০০০ খন বিচনাৰ ব্যৱস্থা কৰা হৈছে। বঙাইগাওঁ জিলাৰ যিসকল লোক  অসমৰ বাহিৰত লকডাউনৰ বাবে আৱদ্ধ হৈ থাকি অতি সোনকালে বঙাইগাঁও জিলাত প্ৰত্যাৱৰ্তন  কৰিব , সেই লোকসকলক এই কোৱাৰেণ্টাইন কেন্দ্ৰ সমূহত ৰখা হ'ব। 

বঙাইগাঁও জিলা উপায়ুক্ত ডা: এম এছ লক্ষ্মীপ্ৰিয়াই বৃহস্পতিবাৰে বৰপাৰাস্থিত স্থানীয় চিলাৰায় ইন্দোৰ ষ্টেডিয়ামত স্থাপন কৰা কোৱাৰেণ্টাইন কেন্দ্ৰ পৰিদৰ্শন কৰি কেন্দ্ৰটোৰ প্ৰস্তুতিৰ বুজ লয় ৷ ৬০ খন বিচনাযুক্ত এই কেন্দ্ৰটোত অসম চৰকাৰৰ খাদ্য আৰু অসামৰিক যোগান মন্ত্ৰী ফণীভূষণ চৌধুৰীয়ে ২ টা জৈৱ-প্ৰযুক্তিযুক্ত প্ৰস্ৰাৱগাৰ নিৰ্মাণৰ ব্যৱস্থা কৰি দিয়ে । কেন্দ্ৰটোত যোগান ধৰা খাদ্য আৰু আন প্ৰাথমিক সুবিধাসমূহৰ ক্ষেত্ৰত সকলো ধৰণৰ সজাগতামূলক আৰু  প্ৰতিৰোধমূলক ব্যৱস্থাৰ মানদণ্ড কঠোৰভাবে পালন কৰা হ'ব । জিলাখনৰ অন্তৰ্গত প্ৰত্যেক খণ্ড উন্নয়ণ বিষয়া সকলকো নিজ নিজ এলেকাত এনে ধৰণৰ ব্যৱস্থা মজুত ৰখাৰ বাবে নিৰ্দেশ দিছে জিলা উপায়ুক্তই ।