NEWS 4 BONGAIGAON

👉বঙাইগাঁৱত কমতা শিৰোমণি অৰুণ
কুমাৰ ৰায়ক স্মৰণ

বঙাইগাঁওঃ ২৭ মেঃ

🔯কমতা শিৰোমণি, কোচৰাজবংশী সাহিত্য সভাৰ প্ৰাক্তন সভাপতি, গৱেষক, বিশিষ্ট সাহিত্যিক প্ৰয়াত অৰুণ কুমাৰ ৰায়ৰ আজি চতুৰ্থ বাৰ্ষিক মৃত্যু তিথি বিভিন্ন ঠাইত পালন কৰা হয়  ৷ 

বঙাইগাঁও চহৰৰ বৰপাৰাস্থিত ৰত্নপীঠ ক্ষেত্ৰত কোচ ৰাজবংশী জাতীয় সাংস্কৃতিক প্ৰকল্পৰ  উদ্যোগত আজি প্ৰয়াত বিশিষ্ট সাহিত্যিক গৰাকীলৈ শ্ৰদ্ধাঞ্জলি জনোৱা হয় ৷ কোৰোনা মহামাৰীৰ ভয়াৱহ সংক্ৰামণৰ পৰিপ্ৰেক্ষিতত এই কাৰ্যসূচীত কিছু লোকে শ্ৰদ্ধাঞ্জলি জ্ঞাপন কৰে ৷ বঙাইগাঁও জিলা সাহিত্য সভাৰ সভাপতি ৰমলা ৰায় সৰকাৰে অনুষ্ঠানত মুখ্য অতিথিৰূপে উপস্থিত থকাৰ লগতে কোচ ৰাজবংশী জাতীয় সাংস্কৃতিক প্ৰকল্পৰ সভাপতি সত্য নাৰায়ণ ৰায়, সাধাৰণ সম্পাদক পূৰ্ণিমা চৌধুৰী, ড০ ৰূপাঞ্জলি দেৱী প্ৰমূখ্যে কে'বাজনো লোকে প্ৰয়াত অৰুণ কুমাৰ ৰায়লৈ  শ্ৰদ্ধাঞ্জলি জ্ঞাপন কৰে ৷ 🔯