NEWS 4 BONGAIGAON

🔯বঙাইগাঁও জিলাৰ ঢালিগাঁও চুঙাপোতাত শোকাৱহ ঘটনা

👉কুঁৱা মেৰামতি কৰিবলৈ যোৱা এজন লোককে ধৰি দুজন লোকৰ অক্সিজেনৰ অভাৱত মৃত্যু 

                বঙাইগাঁওঃ ২ জুনঃ

🔯বঙাইগাঁও জিলাৰ ঢালিগাঁওৰ চুঙাপোতাত আজি এক শোকাবহ ঘটনা সংঘটিত হয়। কুঁৱা মেৰামতিৰ কাম কৰিবলৈ গৈ  কুঁৱাত নামি অক্সিজেনৰ অভাৱত দুজন লোকৰ মৃত্যু হয়। জিলাখনৰ ঢালিগাঁও গাঁও পঞ্চায়তৰ অন্তৰ্গত তথা নিউ বঙাইগাঁও আৰক্ষী পহৰা চকীৰ  অন্তৰ্গত চুঙাপোতা গা‍ঁওৰ নান্টু চক্ৰৱৰ্তী নামৰ লোক জনৰ ঘৰত চাৰি-পাঁচজনীয়া দল এটাই আজি দুপৰীয়াৰ ভাগত কুঁৱা মেৰামতিৰ কাম কৰিবলৈ আহে । কুঁৱাত প্ৰথমে চুঙাপোতা গাঁওৰ নিমাই বৰ্মণ (৪২) নামৰ লোকজন  অভ্যন্তৰত নামে আৰু উঠিব নোৱাৰা হয় আৰু মাতবোল নোহোৱা হয় ।

তাৰ পিচতে ভয়তে বাকী সকল পলাই যায় যদিও বৰপথাৰ গাঁওৰ সঞ্জীৱ দেৱনাথ (বাবু দেৱনাথ ,৪৬) নামৰ লোক জন নিমাই  নামৰ লোকজনক উদ্ধাৰৰ বাবে কুঁৱাত নামে যদিও লোকজনো অচেতন হৈ পৰে আৰু লগে লগে হুৱা দুৱা লাগে । পিছত ঘটনাটো জানিব পাৰি স্থানীয় লোকৰ সমাগম হয় আৰু স্থানীয় লোকে সঞ্জীৱ দেৱনাথক উদ্ধাৰ কৰে যদিও মুমূৰ্ষু অৱস্থাত জৰুৰী সেৱা ১০৮ এম্বুলেন্স যোগে চিকিৎসাৰ বাবে লৈ যায় । চিকিৎসকে লোকজনক মৃত বুলি ঘোষণা কৰে । জানিব পৰা মতে কুঁৱাত সোমাই পৰা  নিমাই বৰ্মণ নামৰ লোকজনক বহু পলমকৈ উদ্ধাৰ কৰা হয় ৷ অগ্নিনিৰ্বাপক বাহিনী  আৰু এছ ডি আৰ এফৰ লোকে কুঁৱাত নামিবলৈ লয় যদিও অক্সিজেন নথকাৰ বাবে পুনৰ উঠি আহে আৰু অক্সিজেন লৈ  কুঁৱাত নামি পাছলৈ মৃতদেহ উদ্ধাৰ কৰে । 

পিচত মৃতদেহ মৰণোত্তৰ পৰীক্ষাৰ বাবে বঙাইগাঁও অসামৰিক চিকিৎসালয়লৈ নিয়া হয়। এই ঘটনাই সমগ্ৰ চুঙাপোতা, বৰপথাৰ তথা ঢালিগাঁওত শোকৰ ছাঁ পেলাইছে । স্থানীয় সূত্ৰৰ পৰা জানিব পৰা মতে চুঙাপোতাৰ নান্টু চক্ৰৱৰ্তী নামৰ লোক জনৰ ঘৰৰ বহু পুৰণি কুঁৱাটোত  ৩০ ফুটৰ তলত পানী আছে।  কোনো পৰীক্ষা নোহোৱাকৈ কোনে কিদৰে এই কুঁৱা মেৰামতিৰ কাম ল'লে আৰু শ্ৰমিক নিয়োগ কৰিলে সেয়া এতিয়াও ৰহস‍্যজনক হৈ আছে । ঘটনাটোত আৰক্ষীয়ে তদন্ত আৰম্ভ কৰিছে ৷ তদন্তৰ পাছত  সকলো তথ‍্য পোহৰলৈ আহিব ৷🔯