NEWS 4 BONGAIGAON

👉কোৰোনাৰ সংক্ৰমণ ৰোধৰ বাবে বঙাইগাঁও জিলা প্ৰশাসনৰ বিশেষ ব্যৱস্থা 

👉সাধাৰণ ৰাইজৰ মাজত সজাগতা গঢ়ি তোলাৰ বাবে প্ৰচাৰ পত্ৰিকা বিতৰণৰ পদক্ষেপ 

                          বঙাইগাঁওঃ ৮ জুনঃ

🔯আন্তঃৰাজ্যিক যাতায়ত ব্যৱস্থা মুকলিৰ লগে লগে বহিঃৰাজ্যৰ পৰা বঙাইগাঁও জিলালৈ লোকৰ আগমণ যথেষ্ট বৃদ্ধি পাইছে৷ জিলাখনলৈ বহিঃৰাজ্যৰ পৰা লোকৰ আগমণৰ সমান্তৰালকৈ কোৰোনাৰ সংক্ৰমণো বৃদ্ধি হৈছে৷ এনে অৱস্থাত ৰাইজক সজাগ, শিক্ষিত আৰু সচেতন কৰাৰ বাবে বঙাইগাঁও জিলা প্ৰশাসনৰ তৰফৰ পৰা কিছু বিশেষ সতৰ্কতামূলক ব্যৱস্থা গ্ৰহণ কৰা হৈছে৷ এই ক্ষেত্ৰত বঙাইগাঁও জিলা প্ৰশাসনে সাধাৰণ ৰাইজৰ বাবে কিছু উপদেশমূলক নিয়মাৱলী জাৰি কৰিছে ৷ লগতে চৰকাৰী কৰ্মচাৰীসকলেও কাৰ্যালয়ত মানি চলিবলগীয়া কিছু নিয়ম জাৰি কৰিছে ৷ সেইদৰে বহিঃৰাজ্যৰ পৰা অহা লোকসকলোকো কিছু নিয়ম মানি চলাৰ বাবেও নিৰ্দেশ দিছে৷এই সকলো নিৰ্দেশ প্ৰচাৰ পত্ৰিকা ৰূপে প্ৰকাশ কৰি উলিওৱা হৈছে ৷ সাধাৰণ ৰাইজৰ মাজত কোৰোনা ভাইৰাছ সন্দৰ্ভত সচেতনতা আৰু সজাগতা গঢ়ি তোলাৰ উদ্দেশ্যে প্ৰস্তুত কৰি উলিওৱা এই প্ৰচাৰ পত্ৰিকা সোমবাৰে জিলা উপায়ুক্ত কাৰ্যালয়ত উপায়ুক্ত ডাঃ এম এছ লক্ষ্মীপ্ৰিয়াই মুকলি কৰে ৷ 

এই অনুষ্ঠানত অতিৰিক্ত উপায়ুক্ত ৰিণ্টু বড়ো আজিও উপস্থিত থাকে ৷ প্ৰচাৰ পত্ৰিকাসমূহ ইংৰাজী আৰু অসমীয়া ভাষাত প্ৰস্তু কৰি উলিওৱা হৈছে ৷ প্ৰচাৰ পত্ৰিকাসমূহ বাতৰিকাকতৰ মাজত সুমুৱাই ৰাইজৰ ঘৰে ঘৰে বিতৰণৰ ব্যৱস্থা কৰিছে ৷ ইয়াৰ উপৰিও ব্যৱসায়িক প্ৰতিষ্ঠান আৰু সাধাৰণ ৰাইজৰ মাজতো এই প্ৰচাৰ পত্ৰিকা বিতৰণ কৰা হ’ব৷ প্ৰচাৰ প্ৰত্ৰিকাত কোৰোনা সংক্ৰমণ ৰোধৰ বাবে কি কি নিয়মাৱলী মানি চলিব লাগে বা কি কৰিব লাগে, কাৰ্যালয়ৰ কৰ্মচাৰীসকলে কাৰ্যালয়ত মানি চলিবলগীয়া নিয়মাৱলীসমূহ , কোভিড- ১৯ ৰ সংক্ৰমণৰ পৰা নিজকে কেনেকৈ সুৰক্ষিত ৰাখিব তাৰ নিয়মাৱলী, মাস্ক পিন্ধাৰ নিয়মাৱলী, পৰিবহনৰ ক্ষেত্ৰত মানি চলিবলগীয়া নিয়মাৱলীসমূহ সুন্দৰকৈ উল্লেখ কৰা হৈছে ৷🔯