👉ক্ৰমাৎ হ'টস্পটলৈ পৰিণত বঙাইগাঁও সদৰৰ ভাকাৰিভিটা আৰু ৮ নং ৱাৰ্ড

 👉ক্ৰমাৎ হ'টস্পটলৈ পৰিণত হৈছে বঙাইগাঁও সদৰৰ ভাকাৰিভিটা আৰু ৮ নং ৱাৰ্ড

👉নিয়ন্ত্ৰিত এলেকাৰ সকলোকে পুনৰ এবাৰ স্বাৱ পৰীক্ষা কৰিবলৈ আহ্বান জিলা প্ৰশাসনৰ

বঙাইগাঁওঃ ১৫ আগষ্টঃ

📝ক্ৰমাৎ কৰ'না মহামাৰীৰ হটস্পটলৈ পৰিণত হৈছে বঙাইগাঁও চহৰৰ ভাকাৰিভিটা আৰু ৮ নং ৱাৰ্ড ৷ উল্লেখ্য যে বিগত দুসপ্তাহ ধৰি বঙাইগাঁও সদৰ অঞ্চলত এ. টি. এছ. পি.ৰ অধীনত স্বাৱৰ নমুনা সংগ্ৰহৰ সময়ত চহৰখনৰ ভাকাৰিভিটা, ৮ নং ৱাৰ্ড আৰু ১২ নং ৱাৰ্ডত বহু নতুন কোভিড-১৯ পজিটিভ ৰোগী চিনাক্ত হৈছিল ৷ যাৰ বাবে এই অঞ্চল সমূহৰ বৃহৎ এলেকাজুৰি  নিয়ন্ত্ৰিত এলেকা হিচাবে ঘোষণা কৰাৰ উপৰিও এই ৱাৰ্ড সমূহৰ প্ৰতিজন নিবাসীৰেই স্বাৱৰ নমুনা সংগ্ৰহৰ বাবে নিৰ্দ্দিষ্ট স্বাৱ সংগ্ৰহকাৰী দল নিয়োগ কৰা হৈছিল।কিন্তু পুনৰ ভাকাৰিভিটা আৰু ৮ নং ৱাৰ্ডত আৰু নতুনকৈ বহু কোভিড পজিটিভ ৰোগী চিনাক্ত হোৱা হেতুকে জিলাখনৰ মুঠ কোভিড পজিটিভ ৰোগীৰ সংখ্যা আৰু বৃদ্ধিৰ হাৰ হঠাৎ অভূতপূৰ্বভাৱে বৃদ্ধি পায়। সেয়ে এই অঞ্চল সমূহৰ সকলো বাসিন্দাৰেই স্বাৱ পৰীক্ষা সম্পূৰ্ণ নোহোৱা পৰ্যন্ত জিলা প্ৰশাসনৰ তৰফৰ পৰা অভিযান অব্যাহত থাকিব ৷ লগতে কোভিডৰ গণ সংক্ৰমণৰ এই ধাৰাবাহিকতা ভংগ কৰাৰ বাবে নিয়ন্ত্ৰিত এলেকাৰ সকলোকে পুনৰ এবাৰ স্বাৱ পৰীক্ষা কৰাৰ বাবে জিলা প্ৰশাসনৰ তৰফৰ পৰা আহ্বান জনোৱা হৈছে।🔯