👉বিগত ৭২ ঘণ্টাত বঙাইগাঁও জিলাৰ পুনৰ ২৭৭ জন ব্যক্তি আক্ৰান্ত

👉কোভিড- ১৯  পজিটিভ 

👉বিগত ৭২ ঘণ্টাত বঙাইগাঁও জিলাৰ পুনৰ ২৭৭ জন ব্যক্তি আক্ৰান্ত 

👉১,৪৩৫ জনলৈ বৃদ্ধি আক্ৰান্তৰ সংখ্যা 

        বঙাইগাঁওঃ ১৫ আগষ্টঃ

📝বঙাইগাঁও জিলাত কৰ'না ভাইৰাছৰ সংক্ৰমণে ভয়াৱহ ৰূপ ধাৰণ কৰিছে ৷ দৈনিক নতুনকৈ আক্ৰান্ত হৈছে লোক ৷ ইতিমধ্যে জিলাখনত কোভিডত আক্ৰান্তৰ সংখ্যাই হাজাৰৰ ঘৰ অতিক্ৰম কৰিছে ৷ জিলাখনত বিগত ৭২ ঘণ্টাত পুনৰ নতুনকৈ ২৭৭ জন ব্যক্তিৰ দেহত কোভিড পজিটিভ ধৰা পৰিছে ৷ ফলত জিলাখনত বৰ্তমানলৈকে কোভিড- ১৯ ত মুঠ আক্ৰান্ত ৰোগীৰ সংখ্যা ১,৪৩৫ জনলৈ বৃদ্ধি পালে ৷ জিলাখনত বৃহস্পতিবাৰে ১৪৬ জন লোকৰ দেহত কোভিড পজিটিভ ধৰা পৰাৰ বিপৰীতে শুকুৰবাৰে আন ৮০ জন ব্যক্তিৰ দেহত নতুকৈ কোভিড পজিটিভ ধৰা পৰে ৷ সেইদৰে শনিবাৰে পুনৰ ৫১ জন ব্যক্তিৰ দেহত ধৰা পৰে কোভিড- ১৯ পজিটিভ ৷ কোভিডত আক্ৰান্তসকলক ইতিমধ্যে চিকিৎসালয়ত ভৰ্তি কৰা হৈছে ৷ জিলাখনত বৰ্তমানলৈকে কোভিড - ১৯ ত আক্ৰান্ত মুঠ ১,৪৩৫ জন ব্যক্তিৰ ভিতৰত ইতিমধ্যে ৮৮৩ জন ৰোগী আৰোগ্য হৈ ঘৰলৈ উভতিছে ৷ সেইদৰে জিলাখনৰ বিভিন্ন চিকিৎসালয়ত ৪০৫ জন ৰোগী চিকিৎসাধীন হৈ থকাৰ বিপৰীতে আন ১৪৭ জন ৰোগী জিলাখনৰ বাহিৰৰ চিকিৎসালয়ত চিকিৎসাধীন হৈ আছে ৷ উল্লেখ্য যে জিলাখনৰ মংগল চন্দ্ৰ ৰায়( ৪৩) নামৰ কোভিডত আক্ৰান্ত এজন ব্যক্তিৰ বৃহস্পতিবাৰে গুৱাহাটীত চিকিৎসাধীন অৱস্থাত মৃত্যু হয় ৷ আনহাতে শনিবাৰে পুনৰ গুৱাহাটীত চিকিৎসাধীন হৈ থকা সৰিতা দেৱী জৈন ( ৫০) নামৰ ৰোগীগৰাকীৰ মৃত্যু হয় ৷ স্বাস্থ্যমন্ত্ৰী ড° হিমন্ত বিশ্ব শৰ্মাই বৃহস্পতিবাৰে আৰু শনিবাৰে টুইটযোগে কোভিডত আক্ৰান্ত মংগল চন্দ্ৰ ৰায়ৰ লগতে সৰিতা দেৱী জৈনৰ মৃত্যুৰ তথ্য সদৰি কৰে যদিও জিলা প্ৰশাসনে এই বিষয়ত কোনো তথ্য প্ৰকাশ কৰা নাই ৷🔯