👉বঙাইগাঁও জিলাত পুনৰ ৪২ জনৰ দেহত ধৰা পৰিল কোভিড - ১৯ পজিটিভ

👉বঙাইগাঁও জিলাত পুনৰ ৪২ জনৰ দেহত ধৰা পৰিল কোভিড - ১৯ পজিটিভ

👉৭১৯  জনলৈ বৃদ্ধি পালে আক্ৰান্তৰ সংখ্যা 

         🔯বঙাইগাঁওঃ ২ আগষ্টঃ

📝বঙাইগাঁও জিলাত কৰ'নাত আক্ৰান্তৰ সংখ্যা ৭১৯ জনলৈ  বৃদ্ধি পাইছে ৷ জিলাখনত বিগত ২৪ ঘণ্টাত পুনৰ ৪২ জন ব্যক্তিৰ দেহত  ক'ভিড- ১৯ পজিটিভ ধৰা পৰিছে ৷ ফলত জিলাখনত বৰ্তমানলৈকে কোভিড- ১৯ ত মুঠ আক্ৰান্ত ৰোগীৰ সংখ্যা ৭১৯ জনলৈ বৃদ্ধি পালে ৷ জিলাখনত শেহতীয়াকৈ কোভিডত আক্ৰান্তসকলৰ ভিতৰত ৮ জন আন্তঃ জিলা ভ্ৰমণ কৰা ব্যক্তি , ১৮ জন পূৰ্ৱে কোভিডত আক্ৰান্ত পজিটিভ ৰোগীৰ সংস্পৰ্শলৈ অহা ব্যক্তি, ২ জন ৰে'লৱে কাৰখানাৰ চাকৰিয়াল, ৫ জন ৰে'লৱে বিভাগৰ অন্যান্য শাখাৰ কৰ্মচাৰী , ১ জন মেডিকেল ৰিপ্ৰেজেণ্টেটিভ , ১ জন অভয়াপুৰী বজাৰৰ কিতাপৰ দোকানৰ ব্যক্তি , ১ জন বিজনী হাইস্কুলৰ শিক্ষক , ১ গৰাকী জীৱন বীমা নিগমৰ কৰ্মচাৰীৰ পত্নী ,১ জন  বি এছ এফ জোৱান ,১ জন মাণিকপুৰ থানাৰ আৰক্ষী , ১ জন স্কুল ভেনৰ চালক ,১ জন মাণিকপুৰ খণ্ড প্ৰাথমিক স্বাস্থ্য কেন্দ্ৰৰ আৰু ১ জন ব্যক্তি ( পুত্ৰ শিক্ষা বিভাগৰ চাকৰিয়াল ) ৷ কোভিডত আক্ৰান্তসকলক ইতিমধ্যে চিকিৎসালয়ত ভৰ্তি কৰা হৈছে ৷ জিলাখনত বৰ্তমানলৈকে কোভিড - ১৯ ত আক্ৰান্ত মুঠ ৭১৯ জন ব্যক্তিৰ ভিতৰত  ইতিমধ্যে ৪১২ জন ৰোগী আৰোগ্য হৈ ঘৰলৈ উভতিছে ৷ সেইদৰে জিলাখনৰ বিভিন্ন চিকিৎসালয়ত ১৬৩ জন ৰোগী চিকিৎসাধীন হৈ থকাৰ বিপৰীতে আন ১৪৪ জন ৰোগী জিলাখনৰ বাহিৰৰ চিকিৎসালয়ত চিকিৎসাধীন হৈ আছে ৷ 🔯