👉বঙাইগাঁও জিলাত পুনৰ ৩০ জনৰ দেহত ধৰা পৰিল কোভিড - ১৯ পজিটিভ

👉বঙাইগাঁও জিলাত পুনৰ ৩০ জনৰ দেহত ধৰা পৰিল কোভিড - ১৯ পজিটিভ

👉৬৭৭  জনলৈ বৃদ্ধি পালে আক্ৰান্তৰ সংখ্যা 

           🔯বঙাইগাঁওঃ ১ আগষ্টঃ

📝বঙাইগাঁও জিলাত কৰ'নাত আক্ৰান্তৰ সংখ্যা দৈনিক বৃদ্ধি পাই আছে ৷ জিলাখনত এতিয়া কৰ'না ভাইৰাছৰ গণ সংক্ৰমণে ভয়াৱহ ৰূপ লৈছে ৷ জিলাখনত বিগত ২৪ ঘণ্টাত পুনৰ ৩০ জন ব্যক্তিৰ দেহত  ক'ভিড- ১৯ পজিটিভ ধৰা পৰিছে ৷ ফলত জিলাখনত বৰ্তমানলৈকে কোভিড- ১৯ ত মুঠ আক্ৰান্ত ৰোগীৰ সংখ্যা ৬৭৭ জনলৈ বৃদ্ধি পালে ৷ জিলাখনত শেহতীয়াকৈ কোভিডত আক্ৰান্তসকলৰ ভিতৰত ৫ জন পূৰ্ৱে কোভিডত আক্ৰান্ত পজিটিভ ৰোগীৰ সংস্পৰ্শলৈ অহা, ৪ জন আন্তঃ ৰাজ্য ভ্ৰমণ কৰা ব্যক্তি , ৮ জন আন্তঃ জিলা ভ্ৰমণ কৰা ব্যক্তি , জামদহা বেকাৰ চ'ক বজাৰৰ ৩ জন, ৩ জন ৰে'লৱে কাৰখানাৰ চাকৰিয়াল, ২ জন শিক্ষক , ১ জন উত্তৰ শালমাৰা পেট্ৰোল পাম্পৰ কৰ্মচাৰী, ১ জন পুনৰ নিউ বঙাইগাঁও ষ্টেট বেংকৰ কৰ্মচাৰী ,১ জন সিদলসতী বজাৰৰ দৰ্জী , ১ জন সিদলসতী বজাৰৰ চাহৰ দোকানী আৰু আন এজন সিদলসতী বজাৰৰ কাষৰ ব্যক্তি ৷ কোভিডত আক্ৰান্তসকলক ইতিমধ্যে চিকিৎসালয়ত ভৰ্তি কৰা হৈছে ৷ জিলাখনত বৰ্তমানলৈকে কোভিড - ১৯ ত আক্ৰান্ত মুঠ ৬৭৭ জন ব্যক্তিৰ ভিতৰত  ইতিমধ্যে ৩৩৪ জন ৰোগী আৰোগ্য হৈ ঘৰলৈ উভতিছে ৷ সেইদৰে জিলাখনৰ বিভিন্ন চিকিৎসালয়ত ১৬৭ জন ৰোগী চিকিৎসাধীন হৈ থকাৰ বিপৰীতে আন ১৭৬ জন ৰোগী জিলাখনৰ বাহিৰৰ চিকিৎসালয়ত চিকিৎসাধীন হৈ আছে🔯 ৷