👉চিৰাঙৰ বিজনীৰ পাণবাৰীৰ হাকোৱা নদীত অঘটন

👉চিৰাঙৰ বিজনীৰ পাণবাৰীৰ হাকোৱা নদীত অঘটন 

👉গা ধুই থাকোতে সন্ধানহীন হৈ পৰে দুই ছাত্ৰঃ এজন ৰ মৃতদেহ উদ্ধাৰ 

          বঙাইগাঁওঃ২৪আগষ্টঃ

📝চিৰাং জিলাৰ বিজনী  মহকুমাৰ অন্তৰ্গত পাণবাৰীত আজি নদীত গা ধুই থাকোতে দুজন ছাত্ৰ সন্ধানহীন হৈ পৰে । জানিব পৰা মতে পাণবাৰীৰ ৰাণীঘাট বনভোজস্থলীৰ হাকোৱা নদীত দহজন বন্ধুৰ সতে গা ধুই আছিল টিটুৰাজ দৈমাৰী( ১৭) আৰু সঞ্জয় বসুমতাৰী( ১৮) নামৰ ছাত্ৰ দুজন ৷ কিন্তু নদীখনত গা ধুই থাকোতে হঠাতে নদীৰ পানীত সন্ধানহীন হৈ পৰে দুই ছাত্ৰ ৷ লগে লগে লাগে হুৱাদুৱা ৷ পিচত টিটুৰাজক স্থানীয় ৰাইজে মৃত অৱস্থাত উদ্ধাৰ কৰে যদিও সঞ্জয়ৰ কোনো সন্ধান লাভ কৰা নাছিল ৷ ইপিনে ঘটনাৰ খবৰ পাই পাছত ঘটনাস্থলিত এছডিআৰএফ বাহিনীৰ এটা দল উপস্থিত হয় আৰু নদীত উদ্ধাৰ অভিযান  চলায় যদিও উদ্ধাৰ কৰিবলৈ সক্ষম হোৱা ন'হল ৷ কাইলৈ পুনৰ উদ্ধাৰ অভিযান চলাব এছডিআৰএফে৷  উল্লেখ্য যে টিটুৰাজৰ ঘৰ পাণবাৰী লোৱাৰ পাৰা আৰু সঞ্জয়ৰ ঘৰ বিজনীৰ বড়ো বাজাৰত। দুয়োজন উচ্চতৰ মাধ্যমিক চুড়ান্ত বৰ্ষৰ ছাত্র বুলি জানিব পৰা গৈছে ।🔯