👉বঙাইগাঁও জিলাৰ নৰ্থ বইটামাৰীত মন্ত্ৰী ফণীভুষণ চৌধুৰীসহ বিভাগীয় বিষয়াৰ পঞ্চায়তৰ কামকাজ পৰ্যালোচনা

👉বঙাইগাঁও জিলাৰ নৰ্থ বইটামাৰীত  মন্ত্ৰী ফণীভুষণ চৌধুৰীসহ বিভাগীয় বিষয়াৰ পঞ্চায়তৰ কামকাজ পৰ্যালোচনা  

👉সহকাৰী অভিযন্তাক কঠোৰ সকীয়নি জিলা পৰিষদৰ মুখ্য কাৰ্যবাহী বিষয়াৰ 

              বঙাইগাঁও ৮ আগষ্টঃ

📝ৰাজ্যৰ খাদ্য আৰু অসামৰিক যোগান বিভাগৰ মন্ত্ৰী ফণীভূষণ চৌধুৰীয়ে আজি পঞ্চায়ত আৰু গ্ৰামোন্নয়ন বিভাগৰ বিষয়াক লগতলৈ বঙাইগাওঁ জিলাৰ নৰ্থ বইটামাৰী গাওঁ পঞ্চায়তৰ বিভিন্ন আঁচনি ৰূপায়ণৰ বুজ লোৱাৰ উদ্দেশ্যে নৰ্থ বইটামাৰীত উপস্থিত হয় । দুপৰীয়া প্ৰথমতে নৰ্থ বইটামাৰী গাওঁ পঞ্চায়ত কাৰ্যালয়ত উপস্থিত হয় মন্ত্ৰী ফণীভূষণ চৌধুৰীৰ লগতে বঙাইগাওঁ জিলা পৰিষদৰ মুখ্য কাৰ্যবাহী বিষয়া , পঞ্চায়ত আৰু গ্ৰামোন্নয়ন বিভাগৰ জিলা প্ৰকল্প সঞ্চালক তথা আন বিষয়া ।  পঞ্চায়ত কাৰ্যালয়টোত উপস্থিত হৈ মন্ত্ৰী ফণীভূষণ চৌধুৰীয়ে পঞ্চায়তটোৰ অধীনত বৰ্তমান ৰূপায়িত হৈ থকা উন্নয়নমূলক কাম-কাজৰ খতিয়ান লৈ কামসমূহ ভালদৰে আৰু যথা সময়ত সম্পূৰ্ণ কৰিবলৈ পঞ্চায়ত সভানেত্ৰী-সচিবক নিৰ্দেশ দিয়ে ।

ইফালে পঞ্চায়তটোৰ কাম-কাজৰ তদাৰকৰ দায়িত্বত থকা  বিভাগীয়  কাৰ্যানুমতিক অভিযন্তা (Accredited Engineer ) তথা সহকাৰী অভিযন্তা ৰাজীৱ বিশ্বকৰ্মাৰ বিৰূদ্ধে পোৱা বিভিন্ন অভিযোগ সন্দৰ্ভত তেওঁক জিলা পৰিষদৰ মুখ্য কাৰ্যবাহী বিষয়া গৰাকীয়ে জবাবদিহি কৰে । সহকাৰী অভিযন্তা গৰাকীৰ বিভাগীয় ফাইলৰ বিভিন্ন আঁসোৱাহো প্ৰত্যক্ষ কৰে তেওঁলোকে । তেনে কাৰ্যত ক্ষোভিত হৈ ৰাজীৱ বিশ্বকৰ্মাক কঠোৰ সকীয়নি প্ৰদান কৰে মুখ্য কাৰ্যবাহী বিষয়া নাদিৰা জেচমিনে । লগতে  কাম-কাজ সমূহ চোৱাৰ বাবে আন এগৰাকী কনিষ্ঠ অভিযন্তা মহাদেৱ ৰায়ক দায়িত্ব দিয়ে । উল্লেখ্য যে, উক্ত অভিযন্তা গৰাকীৰ বিৰুদ্ধে স্থানীয় ৰাইজে অভিযোগ উত্থাপন কৰি আহিছিল । পঞ্চায়ত কাৰ্যালয়ৰ পৰা ওলাই মন্ত্ৰী চৌধুৰী আৰু বিষয়াবৰ্গই  পঞ্চায়তখনৰ অধীনত ধলাগাৱঁত ৰূপায়িত চি চি ব্লকৰ পথ আৰু পকী নলাৰ কাম-কাজ পৰিদৰ্শন কৰি বুজ লয় । মন্ত্ৰী ফণীভূষণ চৌধুৰীয়ে বিষয়াবৰ্গৰ সৈতে পঞ্চায়তটোৰ কাম-কাজৰ পৰ্যালোচনা তথা বুজ লবলৈ নৰ্থ বইটামাৰীত উপস্থিত হোৱাত ৰাইজে সন্তোষ প্ৰকাশ কৰিছে ।🔯