👉চিৰাং জিলাৰ বিজনীৰ বেকাৰ চ'কত নিখিল ভাৰত কৃষক সভা আৰু চি আই টি ইউৰ উদ্যোগত প্ৰতিবাদী সমদল

👉চিৰাং জিলাৰ বিজনীৰ বেকাৰ চ'কত নিখিল ভাৰত কৃষক সভা আৰু চি আই টি ইউৰ উদ্যোগত প্ৰতিবাদী সমদল 

            বঙাইগাঁওঃ২৪ আগষ্টঃ

📝চিৰাং জিলাৰ বিজনী ৰাজহ চক্ৰৰ অন্তৰ্গত বেকাৰ চ'কত আজি নিখিল ভাৰত কৃষক সভা আৰু চি আই টি ইউৰ উদ্যোগত এক প্ৰতিবাদী সমদল উলিয়ায় ৷ সংগঠন দুটাৰ বঙাইগাঁও- চিৰাং জিলা কমিটীৰ উদ্যোগত বেকাৰ চ'কৰ পৰা আই নদীৰ পাৰলৈকে শৰণাৰ্থী সকলৰ আশ্ৰয় শিবিৰৰ মাজেৰে উলিওৱা এই  প্ৰতিবাদী সমদলৰ জৰিয়তে সংগঠন দুটাই জাৰাগুৰীৰ উল্টা খুন্দা বন্ধ কৰা, বান-খহনীয়াত ক্ষতিগ্ৰস্তসকলক সহায় আৰু পুনৰ সংস্থাপনৰ ব্যৱস্থা কৰা, ক্ষতিগ্ৰস্ত বাট-পথ পুনৰ মেৰামতি কৰা, আই নৈৰ তলি খান্দি নৈৰ গভীৰতা বৃদ্ধি কৰাকে আদি কৰি পাঁচটা দাবীত এই প্ৰতিবাদী সমদল উলিয়ায়। উক্ত প্ৰতিবাদী কাৰ্যসূচীত জিলা কৃষক সভাৰ সভাপতি-সম্পাদক ক্ৰমে সত্য পাঠক আৰু শৰৎ দাস, চি আই টি ইউৰ সভাপতি-সম্পাদক ক্ৰমে হৰেশ্বৰ দাস আৰু হেমকান্ত ৰায়সহ ৰাজ্যিক নেতৃবৃন্দ পৰিমল চক্ৰৱৰ্তী, গজেন্দ্ৰ বৰ্মন আদি নেতা উপস্থিত থাকে। কাৰ্যসূচী ৰূপায়ণৰ পিচত সংগঠন দুটাই বঙাইগাঁও জিলা উপায়ুক্তক উক্ত দাবী সন্দৰ্ভত এখন স্মাৰত পত্ৰ প্ৰদান কৰে🔯