👉বঙাইগাঁৱলৈ গৌৰৱ কঢ়িয়াই আনিলে বেদান্ত চৌধুৰীয়ে

👉বঙাইগাঁৱলৈ গৌৰৱ কঢ়িয়াই আনিলে বেদান্ত চৌধুৰীয়ে

                বঙাইগাঁওঃ ২৭ আগষ্টঃ 
📝ব্লুম কেপ নামৰ সংস্থা এটাই অনলাইনযোগে আয়োজন কৰা গ্ৰেট ইণ্ডিয়া টেলেণ্টৰ My Father My Hero শীৰ্ষক চিত্ৰাংকন প্ৰতিযোগিতাত প্ৰথম স্থান লাভ কৰি বঙাইগাঁৱলৈ গৌৰৱ কঢ়িয়াই আনিলে বেদান্ত চৌধুৰী নামৰ এজন কৃতি ছাত্ৰ ৷ ছবি আঁকি সৰ্বভাৰতীয় পৰ্যায়ত উজলি উঠা বেদান্ত চৌধুৰী লিটিল ফ্লাৱাৰ স্কুলৰ দশম শ্ৰেণীৰ ছাত্ৰ ৷ উল্লেখ্য যে ব্লুম কেপ নামৰ সংস্থাটোৱে সৰ্বভাৰতীয় পৰ্যায়ত অনলাইন যোগে চিত্ৰাংকন ,নৃত্য ,সংগীত ,যোগা আদি বিভিন্ন প্ৰতিযোগিতাৰ আয়োজন কৰিছিল ৷ প্ৰতিযোগিতাত অংশগ্ৰহণকাৰীৰ বয়স ১৬ ৰ পৰা ১৮ বছৰ ধাৰ্য কৰিছিল ৷ এই গ্ৰেট ইণ্ডিয়া টেলেণ্ট শীৰ্ষক অনলাইনযোগে আয়োজন কৰা প্ৰতিযোগিতাৰ চিত্ৰাংকন শাখাত ভাগ লৈ প্ৰথম স্থান লাভ কৰে বেদান্তই ৷

ইতিমধ্যে প্ৰতিযোগিতাত প্ৰথম স্থান লাভ কৰা বেদান্তলৈ ব্লুম কেপৰ তৰফৰ পৰা প্ৰমাণ পত্ৰকে ধৰি শিক্ষাৰ লগত জড়িত পুৰস্কাৰ প্ৰেৰণ কৰিছে । বঙাইগাঁও চহৰৰ দেউৰীপাৰা পহাৰতলিৰ মলীন চৌধুৰীৰ পুত্ৰ বেদান্ত চৌধুৰীয়ে সৰ্বভাৰতীয় পৰ্যায়ত অনলাইনযোগে অনুষ্ঠিত ছবি অঁকা প্ৰতিযোগিতাত অংশ গ্ৰহণ কৰি প্ৰথম স্থান লাভ কৰি সুনাম অৰ্জন কৰাত উৎফুল্লিত হৈ পৰিছে পৰিয়ালৰ লগতে অঞ্চলবাসী ৰাইজ🔯।