👉নৱ গঠিত বি টি আৰ গোৰ্খা সমাজক চিৰাং জিলা আগছুৰ বিৰোধিতা

👉নৱ গঠিত বি টি আৰ গোৰ্খা সমাজক চিৰাং জিলা আগছুৰ বিৰোধিতা

👉ৰাজনৈতিক দলৰ প্ৰচাৰ কাৰ্যৰ পৰা বিৰত থাকিবলৈ আহ্বান জনা     

              বঙাইগাঁওঃ২৬ আগষ্টঃ

📝নতুনকৈ গঠন হোৱা বি টি আৰ গোৰ্খসমাজ নামৰ সংগঠনটোক সদৌ অসম গোৰ্খা ছাত্ৰ সন্থা ( আগছু) ৰ চিৰাং  জিলা সমিতিয়ে তীব্ৰ ভাষাৰে বিৰোধিতা কৰিছে ৷ উল্লেখ্য যে যোৱা ২১ আগষ্টত চিৰাং জিলাৰ কৈজলগাঁৱত এই বি টি আৰ গোৰ্খা সমাজ নামৰ সংগঠনটো গঠন হৈছিল ৷ এই সন্দৰ্ভত বুধবাৰে এক প্ৰেছ বিবৃতিত চিৰাং জিলা গোৰ্খা ছাত্ৰ সন্থাৰ সাধাৰণ সম্পাদক নাৰায়ণ উপাধ্যায়ে কয় যে বি টি এ ডি অঞ্চলত বসবাস কৰা বৃহৎ গোৰ্খা জনগোষ্ঠীৰ কোনো জাতীয় দল- সংগঠনৰ সৈতে আলোচনা নকৰাকৈ তথা সাধাৰণ জনতাৰ মতামত নোলোৱাকৈ বি টি আৰ গোৰ্খা সমাজে বিশেষ কোনো ৰাজনৈতিক দলক বি টি চি নিৰ্বাচনত সমৰ্থন কৰিব বুলি কোৱা মন্তব্যই বি টি এ ডিত বসবাস কৰা গোৰ্খা সম্প্ৰদায়ৰ মাজত তীব্ৰ প্ৰতিক্ৰিয়াৰ সৃষ্টি হৈছে ৷ সেয়ে আগন্তুক দিনবোৰত এনেধৰণৰ জাতি বিৰোধী কাৰ্যৰ পৰা বিৰত থাকিবলৈ বি টি আৰ গোৰ্খা সমাজক জিলা সমিতিৰ সাধাৰণ সম্পাদকগৰাকীয়ে সকিয়াই দিয়ে ৷ লগতে চিৰাং জিলাৰ অন্তৰ্গত কোনো ঠাইতে বি টি আৰ গোৰ্খা সমাজৰ বিষয়ববীয়াক ৰাজনৈতিক দলৰ প্ৰচাৰ কাৰ্যৰ পৰা বিৰত থাকিবলৈ আহ্বান জনায় ৷ অন্যথা আগন্তুক দিনত সদৌ অসম গোৰ্খা ছাত্ৰ সন্থাৰ চিৰাং জিলা সমিতিয়ে উচিত প্ৰত্যুত্তৰ দিবলৈ বাধ্য হ'ব বুলিও বিবৃতিটোত উল্লেখ কৰিছে🔯 ৷