👉বঙাইগাঁৱত শিক্ষকৰ পৰা দুৰ্বৃত্তই কাঢ়ি নিলে আশী হাজাৰ টকা

👉বঙাইগাঁৱত শিক্ষকৰ পৰা দুৰ্বৃত্তই কাঢ়ি নিলে আশী হাজাৰ টকা

         বঙাইগাঁওঃ১৯ আগষ্টঃ 

📝বঙাইগাঁও চহৰৰ বৰপাৰাত আজি আবেলিৰ ভাগত এজন শিক্ষকৰ পৰা মটৰ চাইকেলত অহা দুৰ্বৃত্তই নগদ ৮০,০০০ ( আশী হাজাৰ) টকা কাঢ়ি লৈ যায় ৷ জানিব পৰা মতে বঙাইগাঁও জিলাৰ বিদ্যাপুৰৰ মহিদুল ইছলাম নামৰ শিক্ষক গৰাকীয়ে আবেলি ৩ঃ১৫ মান বজাত চহৰখনৰ মায়াপুৰী তিনি আলিৰ ওচৰৰ বঙাইগাঁও শাখা ভাৰতীয় ষ্টেট বেংকৰ পৰা আশী হাজাৰ টকা উলিয়াই বৰপাৰা বাছ আস্থানত উপস্থিত হয় আৰু  তাৰ পৰা নিজ ঘৰলৈ যোৱাৰ কাৰণে এ এচ ১৯ এ চি- ০৮০৯ নম্বৰৰ টেম্প'খনৰ পিছ ফালৰ চিটত বহে ৷ এনেকৈ বহি থকা অৱস্থাতে হঠাতে তেওঁৰ হাতত থকা ৰঙা ৰঙৰ টকাৰ বেগখন দুৰ্বত্তই কঢ়ি লৈ মটৰচাইকেলেৰে পলায়ণ কৰে ৷ দুৰ্বত্তই ৰঙা ৰঙৰ পালচাৰ মটৰ চাইকেলত আহিছিল ৷ বেগখনত নগদ আশী হাজাৰ টকাৰ লগতে শিক্ষকগৰাকীৰ বেংকৰ পাছবুক ,পান কাৰ্ড ,ভোটাৰ কাৰ্ড ,আধাৰ কাৰ্ড আৰু এচ এম চিৰ বৰোদা বেংকৰ পাছবুকও আছিল ৷ পিচত শিক্ষকগৰাকীয়ে ধন লুটৰ ঘটনা সন্দৰ্ভত বঙাইগাঁও আৰক্ষী থানাত এখন এজাহাৰ দাখিল কৰে ৷ দিনৰ পোহৰত সংঘটিত ধন লুটৰ ঘটনাই চহৰখনত যে পুনৰ ধন লুট কৰা দুৰ্বত্তৰ দল সক্ৰিয় হৈ উঠিছে তাকেই প্ৰমাণ কৰিছে ৷ লগতে চহৰখনত বৃদ্ধি পাইছে মটৰ চাইকেল চুৰিৰ ঘটনাও ৷ বিগত তিনি - চাৰিদিনত চুৰি হৈছে কেইবাখনো মটৰ চাইকেল৷🔯