👉বঙাইগাঁও জিলা প্ৰশাসনৰ শোক দিৱস পালন

👉বঙাইগাঁও জিলা প্ৰশাসনৰ শোক দিৱস পালন

👉ধেমাজিত স্বাধীনতা দিৱসৰ বিস্ফোৰণত নিহতক সোঁৱৰণ

       বঙাইগাঁওঃ১৬ আগষ্টঃ 

📝বিগত ২০০৪ চনত ধেমাজি জিলাৰ স্বাধীনতা দিৱস উদযাপনৰ পেৰেড গ্ৰাউণ্ডত বোমা বিস্ফোৰণত নিহতসকলৰ স্মৃতি সজীৱ কৰি ৰাখিবলৈ সমগ্ৰ অসমৰ লগতে আজি বঙাইগাঁও জিলাতো শোক দিৱস পালন কৰা হয়। ২০০৪ চনৰ ১৫ আগষ্টৰ স্বাধীনতা দিৱসৰ কাৰ্যসূচীত ধেমাজিত উগ্রপন্থীৰ দ্বাৰা নিৰীহ লোকৰ মৰ্মান্তিক মৃত্যুৰ যি কৰুণ ঘটনা ঘটিছিল তাৰ পৰিপ্রেক্ষিততে প্রতিবছৰে উক্ত ঘটনাত প্ৰাণ হেৰুৱাসকলক সুঁৱৰি এই শোক দিৱস পালন কৰা হয়।

এই উপলক্ষে পুৱা ১১ বজাত জিলা উপায়ুক্ত কাৰ্যালয়ৰ সভাকক্ষত নিহতসকলক স্মৰণ কৰি শোক দিৱস পালন কৰা হয়। হিংসা- সন্ত্ৰাসক প্ৰশ্ৰয় নিদি তাৰ বিৰুদ্ধে থিয় দি শান্তি- ঐক্য- সংহতি বজাই ৰখাৰ বাবে জিলা উপায়ুক্ত ডা° লক্ষ্মী প্ৰিয়াই সকলোকে শপত বাক্য পাঠ কৰায় আৰু তাৰ পাছত এক মিনিট সময় মৌন প্ৰাৰ্থনা জনোৱাৰ লগতে পুষ্পাঞ্জলিৰে বিদেহী আত্মাৰ প্ৰতি শ্রদ্ধা নিবেদন কৰা হয়।জিলাখনৰ যিবোৰ স্থানত দেশৰ জাতীয় পতাকা উত্তোলন কৰা হয়, সেই স্থানসমূহত জাতীয় পতাকা আজিৰ দিনটোত অর্ধনমিত ৰখা হ’ব৷ এই অনুষ্ঠানত জিলা উন্নয়ন আয়ুক্তকে ধৰি অতিৰিক্ত উপায়ুক্ত সকল, সহকাৰী আয়ুক্ত সকল তথা অন্যান্য বিষয়া-কৰ্মচাৰীসকল উপস্থিত থাকে।🔯