বঙাইগাঁও জিলাৰ কোভিডত আক্ৰান্ত এবছৰীয়া শিশুক সুস্থ হৈ উঠাত হাস্পতালৰ পৰা মুকলি

👉বঙাইগাঁও জিলাৰ কোভিডত আক্ৰান্ত এবছৰীয়া শিশুক সুস্থ হৈ উঠাত হাস্পতালৰ পৰা মুকলি  

          বঙাইগাঁওঃ ৭ আগষ্টঃ 

📝বঙাইগাঁও জিলাৰ বইটামাৰী মডেল হাস্পতালৰ কোভিড কেয়াৰ চেণ্টাৰত চিকিৎসাধীন হৈ থকা বাঁশবাৰীৰ কোভিড- ১৯ ত আক্ৰান্ত এটি এবছৰীয়া শিশু সুস্থ হৈ উঠাত তথা নমুনা পৰীক্ষাৰ ফলাফল নিগেটিভ অহাত শুকুৰবাৰে চিকিৎসালয়ৰ পৰা ঘৰলৈ যাবলৈ দিয়া হয় ৷ জানিব পৰা মতে শিশুটি যোৱা ৪ আগষ্টৰ পৰা হাস্পতালখনৰ কোভিড কেয়াৰ চেণ্টাৰত চিকিৎসাধীন হৈ আছিল ৷ শিশুটি চিকিৎসাধীন হৈ থকা অৱস্থাত শিশুটিৰ সৈতে মাতৃগৰাকীও নিজ ইচ্ছাৰে হাস্পতালখনত একেলগে আছিল ৷ অৱশ্যে মাতৃগৰাকী কোভিডত আক্ৰান্ত হোৱা নাছিল ৷ পিচত শিশুটিৰ ৰেপিড এণ্টিজেন পৰীক্ষাৰ লগতে আৰ টি - পি চি আৰ পৰীক্ষাৰ ফলাফল নিগেটিভ অহাত হাস্পতালখনৰ পৰা ঘৰলৈ যাবলৈ দিয়া হয় ৷ সেইদৰে শিশুটিৰ মাতৃৰো ৰেপিড এণ্টিজেন পৰীক্ষা আৰু আৰ টি - পি চি আৰ পৰীক্ষা কৰা হৈছিল আৰু ফলাফল নিগেটিভ আহে ৷ যাৰ বাবে সন্তান আৰু মাতৃক হাস্পতালৰ পৰা ঘৰলৈ যাব দিয়া হয় ৷ 🔯