👉চিৰাঙৰ চিকিৎসক শ্যামল বসুমতাৰীৰ প্লাজমা দান

👉চিৰাঙৰ প্ৰথমজন ব্যক্তি হিচাপে  চিকিৎসক শ্যামল বসুমতাৰীৰ প্লাজমা দান 

বঙাইগাঁওঃ২৬ আগষ্টঃ 📝চিৰাং জিলাৰ বিজনী ভেটাগাঁওস্থিত সামূহিক স্বাস্থ্য কেন্দ্ৰৰ জ্যেষ্ঠ চিকিৎসক শ্যামল বসুমতাৰীয়ে মঙলবাৰে গুৱাহাটী চিকিৎসা মহাবিদ্যালয়ত কোভিডত আক্ৰান্ত ব্যক্তিৰ জীৱনদায়িনী ৰূপে নিজৰ প্লাজমা দান কৰে ৷ উল্লেখ্য যে চিকিৎসকগৰাকী ১৮ জুলাইত কোভিড- ১৯ ত আক্ৰান্ত হোৱাত কোভিডৰ প্ৰটকল অনুসৰি জিলা স্বাস্থ্য বিভাগৰ তত্বাৱধানত কাশীকোত্ৰা  মডেল হাস্পতালত ভৰ্তি কৰা হৈছিল ৷ পিচত চিকিৎসকগৰাকীৰ দ্বিতীয়বাৰ স্বাৱ পৰীক্ষাৰ ফলাফলো পজিটিভ আহিছিল যদিও তৃতীয়বাৰ কৰা পৰীক্ষাৰ ফলাফল নিগেটিভ আহিছিল ৷ ইয়াৰ পিচকে ২৬ জুলাইত চিকিৎসকগৰাকীক হাস্পতালৰ পৰা যাবলৈ দিয়া হয় ৷ উল্লেখ্য যে কোভিডত আক্ৰান্ত হৈ আৰোগ্য লাভ কৰাৰ পিচত চিৰাং জিলাৰ পৰা প্লাজমা দান কৰা চিকিৎসকগৰাকীয়ে হ'ল প্ৰথমজন ব্যক্তি ৷ ৪০ বছৰীয়া চিকিৎসকগৰাকীৰ মাতৃ আৰু পত্নীও কোভিডত আক্ৰান্ত হৈছিল ৷ চিকিৎসক শ্যামল বসুমতাৰীৰ প্ৰকৃত ঘৰ ওদালগুৰিত যদিও কৰ্মসূত্ৰে ২০১৭ চনৰ পৰা চিৰাং জিলাৰ ভেটাগাঁৱত আছে ৷