👉চিৰাঙৰ বিজনীত যুৱকৰ মৃতদেহ উদ্ধাৰ

👉চিৰাঙৰ বিজনীত যুৱকৰ মৃতদেহ উদ্ধাৰ 

          বঙাইগাঁওঃ ২৩ আগষ্টঃ

📝চিৰাং জিলা বিজনী ৰে'ল ষ্টেচনৰ সমীপৰ 451/A নম্বৰৰ কালভাৰ্টৰ তলত শনিবাৰে এজন যুৱকৰ মৃতদেহ উদ্ধাৰ হয় ।মৃতদেহটো ভিডিঅ'গ্ৰাফাৰ পংকজ দাসৰ(২২) বুলি চিনাক্ত  কৰে স্থানীয় লোকে। বৰপেটা জিলাৰ পাঠশালাৰ বাসিন্দা পংকজে মাতৃৰ সৈতে বিজনীৰ ১ নং ৱাৰ্ডৰ এটা ভাড়াঘৰত বসবাস কৰিছিল।যোৱা ১৯ আগষ্টৰে পৰা নিৰুদ্দেশ হৈ আছিল পংকজ। যুৱকজনৰ মাতৃয়ে ২১ আগষ্টত বিজনী থানাত পুত্ৰৰ নিৰুদ্দেশ সন্দৰ্ভত দাখিল কৰিছিল এজাহাৰ । কিন্তু ইয়াৰ মাজতে শনিবাৰে স্থানীয় লোকে পংকজৰ মৃতদেহটো প্ৰত্যক্ষ কৰি আৰক্ষীক খবৰ দিয়ে। পিছত ঘটনাস্থলীত বিজনী আৰক্ষী আৰু ৰে'ল আৰক্ষী উপস্থিত হয় আৰু  মৃতদেহটো উদ্ধাৰ কৰি  মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে🔯 ।