👉বঙাইগাঁৱত নৱগঠিত ' প্ৰাক্তন আছু সতীৰ্থ সন্মিলনী অসমৰ ' কাৰ্যনিৰ্বাহক সভা

👉বঙাইগাঁৱত নৱগঠিত ' প্ৰাক্তন আছু সতীৰ্থ সন্মিলনী অসমৰ ' কাৰ্যনিৰ্বাহক সভা 

👉অৰাজনৈতিক চৰিত্ৰ অক্ষুন্ন ৰখাৰ বাবে সহমত পোষণ 

  বঙাইগাঁওঃ ৯ছেপ্টেম্বৰঃ 

📝সদৌ অসম ছাত্ৰ সন্থাৰ প্ৰাক্তন বিষয়ববীয়া আৰু কৰ্মীসকলৰ দ্বাৰা নৱগঠিত ' প্ৰাক্তন আছু সতীৰ্থ সন্মিলনী অসমৰ ' এখন কাৰ্যনিৰ্বাহক সভা বুধবাৰে বঙাইগাঁও চহৰৰ বৃহত্তৰ বঙাইগাঁও প্ৰেছ ক্লাৱত অনুষ্ঠিত হয় ৷ সমিতিৰ সভাপতি কমলেশ ডেকাৰ সভাপতিত্বত  অনুষ্ঠিত কাৰ্যনিৰ্বাহক সভাত সাধাৰণ সম্পাদক হিমাংশু ভৰালীয়ে সভাৰ উদ্দেশ্য ব্যাখ্যা কৰি কয় যে সদৌ অসম ছাত্ৰ সন্থাৰ সৈতে সুদীৰ্ঘকাল  জড়িত থকাৰ পিছত বিভিন্ন বাধ্য বাধকতাত আছুৰ মঞ্চ ত্যাগ কৰিবলগীয়া হয় যদিও সমাজ আৰু জাতিৰ হকে নিঃস্বাৰ্থভাৱে সেৱা কৰাৰ মুখ্য উদ্দেশ্যৰে এসময়ৰ একে পৰিয়ালৰ সদস্যৰে এই সংগঠনটিৰ জন্ম দিয়া হয় ৷ সভাত ধুবুৰী ,কোকৰাঝাৰ ,বঙাইগাঁও, চিৰাং , গোৱালপাৰা,বৰপেটা ,বাস্কা  ,নলবাৰী ,দৰং ,কামৰূপ  আদি বিভিন্ন জিলাৰ বিভিন্ন বিষয়ববীয়া আৰু সদস্যসকল উপস্থিত থাকি জাতীয় সমস্যাসমূহৰ লগতে প্ৰাক্তন আছু সদস্যসকলৰ বিভিন্ন সমস্যা সম্পৰ্কত আলোচনা কৰে৷ সভাত সন্মিলনীৰ প্ৰতীক ,পতাকা আৰু এখন সংবিধান প্ৰস্তুত কৰি উলিওৱাৰ বাবে কাৰ্যকৰী সভাপতি ৰবীন্দ্ৰ নাথ দাসৰ নেতৃত্বত এখন সমিতি৷ গঠন কৰি দিয়ে ৷ আনহাতে সভাত সন্মিলনীৰ অৰাজনৈতিক চৰিত্ৰ অক্ষুন্ন ৰখাৰ বাবেও সকলোৱে সহমত পোষণ কৰে ৷ কাৰ্যনিৰ্বাহক সভাত সন্মিলনীৰ উপদেষ্টা ৰাহুল দাস ,ৰত্নাকৰ দাস আৰু হেমন্ত দেউৰীয়ে উপস্থিত থাকি বিভিন্ন কৰ্মসূচী সম্পৰ্কত পৰামৰ্শ আগবঢ়োৱাৰ লগতে অচিৰেই জিলা সমিতিসমূহ গঠন কৰাৰ বাবে এক প্ৰস্তাৱো গ্ৰহণ কৰে ৷ উল্লেখ্য যে এই কাৰ্যনিৰ্বাহক সভাতে কিশোৰ ডেকা ,অপূৰ্ব নাৰায়ণ সিংহ , গোপাল বৈশ্য আৰু অমূল্য শৰ্মাক সংগঠনটোৰ সাংগঠনিক সম্পাদক হিচাপে দায়িত্ব অৰ্পন কৰে ৷🔯