👉বঙাইগাঁৱত নীৰেন চন্দ্ৰ দাসৰ 'স্মৃতি-বিনন্দীয়া ' শীৰ্ষক গ্ৰন্থ উন্মোচন

👉বঙাইগাঁৱত নীৰেন চন্দ্ৰ দাসৰ 'স্মৃতি-বিনন্দীয়া ' শীৰ্ষক গ্ৰন্থ উন্মোচন 

               বঙাইগাঁওঃ ৬ ছেপ্তেম্বৰঃ 

📝কৰ'না মহামাৰীৰ সংক্ৰমণৰ বাবে আৰোপিত বাধ্য বাধকতাৰ প্ৰতি লক্ষ্য ৰাখি শনিবাৰে সন্ধিয়া এক অনুষ্টুপীয়া কাৰ্যসূচীৰ যোগেদি  নীৰেন চন্দ্ৰ দাসৰ প্ৰথমখন গল্প- প্ৰৱন্ধ আৰু কবিতাৰ সংকলন 'স্মৃতি-বিনন্দীয়া' শীৰ্ষক গ্ৰন্থখন উন্মোচন কৰা হয়  ৷ বঙাইগাঁও চহৰৰ উত্তৰ বঙাইগাঁওস্থিত অসম কৃষ্টি বিকাশ সংঘত অনুষ্ঠিত হোৱা গ্ৰন্থ উন্মোচনী অনুষ্ঠানত অসমীয়া প্ৰতিদিন কাকতৰ বঙাইগাঁও সংস্কৰণৰ আৱাসিক সম্পাদক তথা বঙাইগাঁও মহাবিদ্যালয়ৰ প্ৰাক্তন অধ্যাপক হেমন্ত কুমাৰ শৰ্মা,  বঙাইগাঁও জিলা সাহিত্য সভাৰ প্ৰাক্তন সভাপতি অজিত কুমাৰ দাস , বঙাইগাঁও মহাবিদ্যালয়ৰ প্ৰাক্তন অধ্যক্ষ ড° হিতেশ দাস, বঙাইগাঁও মহাবিদ্যালয়ৰ আন এজন প্ৰাক্তন অধ্যাপক , বিশিষ্ট সমাজকৰ্মী তথা লিখক গোপেশ্বৰ তালুকদাৰ আৰু প্ৰাক্তন বেংক বিষয়া তথা সমাজকৰ্মী হাৰানিধি চক্ৰৱৰ্তীয়ে গ্ৰন্থখন উন্মোচিত কৰে ৷ গ্ৰন্থখনি উন্মোচন কৰি হেমন্ত কুমাৰ শৰ্মাই কয় যে সাংস্কৃতিককৰ্মী, সমাজসেৱী তথা বঙাইগাঁও ৰিফাইনেৰীৰৰ প্ৰাক্তন কৰ্মচাৰী নীৰেন চন্দ্ৰ দাস বহুকাল আগৰে পৰাই সাহিত্যচৰ্চাৰ সৈতে জড়িত ৷ বিভিন্ন আলোচনী , কাকত আদিত প্ৰকাশিত-অপ্ৰকাশিত সকলো মিলি নীৰেন চন্দ্ৰ দাসৰ বৰ্তমানলৈ প্ৰায় দুশ গল্প, কবিতা, প্ৰৱন্ধ আছে ৷ কিন্তু পোন প্ৰথমবাৰৰ বাবে তাৰে কেইটিমান গ্ৰন্থৰূপে প্ৰকাশ কৰাৰ বাবে তেওঁ নীৰেন চন্দ্ৰ দাসক ধন্যবাদ জনোৱাৰ লগতে তেওঁৰ উত্তৰোত্তৰ কামনা কৰে ৷ অনুষ্ঠানত সমাজসেৱী বসন্ত কুমাৰ চৌধুৰী, ব্ৰজেন ৰায় আদিকে ধৰি আন কেইবাজনো বিশিষ্ট ব্যক্তি উপস্থিত থাকে🔯 ৷