👉বঙাইগাঁও জিলা আক্ৰাছুৰ নৱ গঠিত জিলা সমিতিৰ শপত গ্ৰহণ

👉বঙাইগাঁও জিলা আক্ৰাছুৰ নৱ গঠিত জিলা সমিতিৰ শপত গ্ৰহণ 

                 বঙাইগাঁওঃ ৮ ছেপ্টেম্বৰঃ
📝সদৌ কোচ ৰাজবংশী ছাত্ৰ সন্থা ( আক্ৰাছু) ৰ নৱ গঠিত বঙাইগাঁও  সদৌ কোচ ৰাজবংশী ছাত্ৰ সন্থা ( আক্ৰাছু) ৰ নৱ গঠিত বঙাইগাঁও জিলা সমিতিখনে আজি আনুষ্ঠানিকভাৱে শপত গ্ৰহণ কৰে ৷ এই উপলক্ষে বঙাইগাঁও চহৰৰ বীৰঝৰা পাব্লিক লাইব্ৰেৰীত এক শপত গ্ৰহণ অনুষ্ঠান অনুষ্ঠিত হয় ৷ কেন্দ্ৰীয় সমিতিৰ উপ সভাপতি পুৰেণ ৰায়ৰ সভাপতিত্বত অনুষ্ঠিত শপত গ্ৰহণ অনুষ্ঠানত বঙাইগাঁও জিলা পৰিষদৰ প্ৰাক্তন সভানেত্ৰী লীনা সিংহই দিব্যজ্যোতি পাঠকক সভাপতি  আৰু বিকাশ ৰায়ক সাধাৰণ সম্পাদক হিচাপে লৈ নৱ গঠিত ৫১ জনীয়া বঙাইগাঁও জিলা আক্ৰাছুৰ বিষয়ববীয়া আৰু কাৰ্যনিৰ্বাহক সদস্যসকলক শপত বাক্য পাঠ কৰায় ৷ ইয়াৰ পিচতে আনুষ্ঠানিকভাৱে দায়িত্ব অৰ্পণ কৰা হয় ৷

উল্লেখ্য যে এই অনুষ্ঠানতে বঙাইগাঁও জিলা কোচ ৰাজবংশী মহিলা সমিতিখনো গঠন কৰা হয় আৰু সমিতিখনৰ বিষয়ববীয়াসকলক শপত বাক্য পাঠ কৰাই দায়িত্ব অৰ্পণ কৰা হয় ৷ গীতা সৰকাৰক সভানেত্ৰী আৰু সাগৰিকা ৰায়ক সাধাৰণ সম্পাদিকা হিচাপে লৈ মুঠ একৈশ জনীয়া বঙাইগাঁও জিলা কোচ ৰাজবংশী মহিলা সমিতিখন গঠন কৰা হয় ৷ শপত গ্ৰহণ অনুষ্ঠানত আক্ৰাছুৰ মুখ্য উপদেষ্টা হিতেশ্বৰ বৰ্মন ,প্ৰতিষ্ঠাপক সাধাৰণ সম্পাদক হৰমোহন মেধি, আক্ৰাছুৰ সভাপতি কৰ্মেশ্বৰ ৰায় , যুটীয়া সাধাৰণ সম্পাদক জীৱেশ ৰায় ,সদৌ কোচ ৰাজবংশী মহিলা সমিতিৰ সভানেত্ৰী মালতী ৰায়ৰ লগতে আক্ৰাছুৰ কেন্দ্ৰীয় সমিতিৰ কেইবাগৰাকী বিষয়ববীয়াৰ লগতে বঙাইগাঁও মহাবিদ্যালয়ৰ অধ্যাপিকা ড° ৰূপাঞ্জলী দেৱী উপস্থিত থাকে ৷ অনুষ্ঠানত সংগঠনৰ সভাপতিকে ধৰি কেইবাজনেও সাংগঠনিক তথা সংগঠনটোৰ মূল দাবী জনজাতিকৰণ আদিৰ ওপৰত বক্তব্য ৰাখে ৷

ইপিনে নৱ গঠিত বঙাইগাঁও জিলা আক্ৰাছুৰ সভাপতি আৰু সাধাৰণ সম্পাদক দিব্যজ্যোতি পাঠক আৰু বিকাশ ৰায়ে নিজ দায়িত্ব নিষ্ঠাসহকাৰে পালন কৰি যাব বুলি কয় ৷ অনুষ্ঠানত কোচ ৰাজবংশী জনগোষ্ঠীৰ নৃত্যও পৰিৱেশিত হয় ৷🔯