👉বঙাইগাঁৱৰ বৰপাৰাত ফ্লায়িং স্কোৱাৰ্ডৰ অভিযানত এক লাখ আঠাইশ হাজাৰ টকা জব্দ

👉বঙাইগাঁৱৰ বৰপাৰাত ফ্লায়িং স্কোৱাৰ্ডৰ অভিযানত এক লাখ আঠাইশ হাজাৰ টকা জব্দ

বঙাইগাঁওঃ১৭ মাৰ্চঃ 

📝বঙাইগাঁও চহৰৰ বৰপাৰাত আজি আৰক্ষী আৰু ফ্লায়িং স্কোৱাৰ্ডৰ যুটীয়া অভিযানত এখন বাহনৰ পৰা এক লাখ আঠাইশ হাজাৰ পাঁচশ টকা জব্দ হয় ৷ উল্লেখ্য যে অসম বিধান সভা নিৰ্বাচনৰ বাবে বলবৎ হৈ থকা নিৰ্বাচনী আচৰনবিধি ভংগ কৰি  দক্ষিণ শালমাৰাৰ হাটশিঙিমাৰীৰ শ্বাহাদৎ আলী নামৰ ব্যক্তি গৰাকীয়ে এই ধনখিনি কঢ়িয়াই আনিছিল ৷ ব্যক্তিগৰাকীয়ে এম এল-১৩ ৫৫৮৬  নম্বৰৰ বাহনেৰে দক্ষিণ শালমাৰৰ পৰা বঙাইগাঁও    চহৰলৈ আহি থকাৰ সময়তে বৰপাৰত আৰক্ষী আৰু ফ্লায়িং স্কোৱাৰ্ডৰ অভিযানত এই ধনখিনি জব্দ হয় ৷ ইপিনে ধনৰগৰাকী শ্বাহাদৎ আলীয়ে উক্ত ধনখিনি গাড়ী ক্ৰয় কৰাৰ বাবে কঢ়িয়াই আনিছিল বুলি আৰক্ষীৰ আগত প্ৰকাশ কৰে ৷ 

আনহাতে  সংবাদ মাধ্যমৰ আগত প্ৰকাশ কৰা মতে এখন পুৰণি ট্ৰাক ক্ৰয় কৰাৰ বাবে নিউ বঙাইগাঁওলৈ ধনখনি কঢ়িয়াই আনিছিল ৷ ইতিমধ্যে প্ৰায় এসপ্তাহ পূৰ্বে শ্বাহাদতে দহ হেজাৰ টকা আগধন হিচাপে দিয়াৰ অন্তত বাকীধন প্ৰদান কৰিবলৈ আহিছিল ৷ ইপিনে জব্দ কৰা ধনখিনি আৰক্ষীয়ে বঙাইগাঁও কোষাগাৰত জমা দিয়ে ৷ অৱশ্যে পিছত বৈধ নথিপত্ৰ প্ৰদৰ্শন কৰি ধনখিনি উলিয়াই নিব পাৰিব বুলি আৰক্ষীয়ে প্ৰকাশ কৰিছে৷🔯