👉বঙাইগাঁৱৰ বি এড কলেজত ছাত্র-ছাত্রী সকলৰ মাজত ভোটদান সন্দৰ্ভত সজাগতা সভা

👉বঙাইগাঁৱৰ বি এড কলেজত  ছাত্র-ছাত্রী সকলৰ মাজত ভোটদান সন্দৰ্ভত সজাগতা সভা

বঙাইগাঁও ১৭ মাৰ্চঃ 

📝সমাগত ৩২ নং বঙাইগাঁও বিধান সভা সমষ্টিৰ নিৰ্বাচনক কেন্দ্ৰ কৰি আজি বঙাইগাঁও বি এড কলেজত বঙাইগাঁও জিলা নিৰ্বাচনী কাৰ্যালয়ৰ চুইপ চেল ( SVEEP CELL ) ৰ উদ্যোগত ভোটাৰ তথা  ছাত্র-ছাত্রী সকলৰ মাজত পদ্ধতিগত ভোটদান সন্দৰ্ভত এখন সজাগতামূলক সভা অনুষ্ঠিত হয় । এই সভাত সভাপতিত্ব কৰে কলেজখনৰ ভাৰপ্ৰাপ্ত অধ্যক্ষ অনিতা দেৱীয়ে । এই সজাগতা মূলক সভাতে ছাত্র-ছাত্রী সকলৰ মাজত নিৰ্বাচন সম্পৰ্কীয় থিতাতে ভাষণ প্ৰতিযোগিতা ,ছবিঅকাঁ আৰু শ্লোগান প্ৰতিযোগিতা আদি অনুষ্ঠিত কৰা হয় । ভাষণ প্ৰতিযোগিতাত তিনি গৰাকীক বাচনি কৰা হয় । ইয়াৰে নয়ন বসুমতাৰী ( প্ৰথম) ,মানসী সিংহ ( দ্বিতীয়) আৰু  শ্বাহ আলম আলী( তৃতীয়) বিজয়ী হয়। সভাত মহাবিদ্যালয়খনৰ ভোটাৰ তথা ছাত্র-ছাত্রী সকলে সক্ৰিয়ভাৱে অংশ গ্ৰহণ কৰে । 

আনহাতে  সভাত বঙাইগাঁও ৰাজহ চক্ৰৰ চক্ৰ  বিষয়া দিপন বৰ্মন উপস্থিত থাকি অহা ২০২১ চনৰ ৬ এপ্ৰিলত অনুষ্ঠিত হ'বলগীয়া ভোটদানৰ সময়ত সকলো ভোটাৰে আগবাঢ়ি আহি ভোট প্ৰদানেৰে নিজৰ অধিকাৰ সাব্যস্ত কৰিবলৈ সকলোকে আহ্বান জনায় ।🔯