👉বঙাইগাঁৱত ভোটাৰ সজাগতা উপলক্ষে গছ পুলি ৰোপণ

👉বঙাইগাঁৱত ভোটাৰ  সজাগতা উপলক্ষে গছ পুলি ৰোপণ 

বঙাইগাঁও ২০ মাৰ্চঃ 

📝সমাগত ৩২ নং বঙাইগাঁও বিধান সভা সমষ্টিৰ নিৰ্বাচনক কেন্দ্ৰ কৰি বৃহস্পতিবাৰে নিৰ্বাচনী কোষৰ চুইপ চেল ( SVEEP CELL ) ৰ সহযোগত আৰু বীৰঝৰা মহাবিদ্যালয়ৰ এন.এছ.এছ গোটৰ উদ্যোগত বঙাইগাঁৱৰ মেচপাৰা গাঁৱৰ বিদ্যালয় প্ৰাংগণত গছ পুলি ৰোপন কৰি নৱ ভোটাৰ তথা  ছাত্র-ছাত্রী সকলৰ মাজত  নীতিগত ভোটদান সন্দৰ্ভত এখন সজাগতামূলক সভা অনুষ্ঠিত কৰা হয় । 

এই সজাগতামূলক সভাত বঙাইগাঁও জিলা প্ৰাথমিক শিক্ষা বিষয়া তথা বিদ্যালয় সমূহৰ ভাৰপ্ৰাপ্ত  পৰিদৰ্শক আমিৰ হুছেইনে সভাপতিত্ব কৰে ৷ সজাগতা মূলক সভাত ছাত্র-ছাত্রী সকলক অহা ৬ এপ্ৰিলত অনুষ্ঠিত হ'বলগীয়া ভোটদানৰ সময়ত সকলো ভোটাৰকে আগবাঢ়ি আহি ভোট প্ৰদানেৰে নিজৰ ভোটাধিকাৰ সাব্যস্ত কৰিবলৈ আহ্বান জনায় । সভাত মহাবিদ্যালয়খনৰ প্ৰবক্তা সকল উপস্থিত থাকে ।🔯