👉বঙাইগাঁও বিধান সভা সমষ্টিত আজি ৬ গৰাকী প্ৰাৰ্থীয়ে দাখিল কৰিলে মনোনয়ন পত্ৰ

👉বঙাইগাঁও বিধান সভা সমষ্টিত আজি ৬ গৰাকী প্ৰাৰ্থীয়ে দাখিল কৰিলে মনোনয়ন পত্ৰ 

বঙাইগাঁওঃ১৯ মাৰ্চঃ 

📝তৃতীয় পৰ্যায়ত অনুষ্ঠিত হ'বলগীয়া অসম বিধান সভা নিৰ্বাচনৰ বাবে আজি মনোনয়ন পত্ৰ দাখিলৰ অন্তিম দিনা ৩২ নং বঙাইগাঁও বিধান সভা সমষ্টিত ৬ গৰাকী প্ৰাৰ্থীয়ে নিজৰ নিজৰ মনোনয়ন পত্ৰ দাখিল কৰে ৷ বঙাইগাঁও জিলা উপায়ুক্ত কাৰ্যালয়ত জিলা ৰিটাৰ্ণিং বিষয়াৰ ওচৰত মনোনয়ন পত্ৰ দাখিল কৰা প্ৰাৰ্থীসকলৰ ভিতৰত অসম গণ পৰিষদ দলৰ বৰ্তমানৰ সমষ্টিটোৰ বিধায়ক ফণীভূষণ চৌধুৰী , নেচনেল পিপলচ পাৰ্টীৰ প্ৰভাত বৈষ্ণৱ , ভাৰতীয় গণ পৰিষদৰ সুজিত কুমাৰ ৰায়, পলিটিকেল জাষ্টিচ পাৰ্টিৰ শান্তনু মুখাৰ্জীৰ লগতে নিৰ্দলীয় প্ৰাৰ্থী হিচাপে কৈলাশ  দাস আৰু গৌতম দত্তই মনোনয়ন পত্ৰ দাখিল কৰে ৷ ইপিনে বৃহস্পতিবাৰে অসম জাতীয় পৰিষদৰ প্ৰাৰ্থী দীপু চৌধুৰী , ভাৰতীয় জাতীয় কংগ্ৰেছৰ প্ৰাৰ্থী শংকৰ প্ৰসাদ ৰায় আৰু ভোটাৰচ পাৰ্টি ইণ্টাৰনেচনেলৰ সবেন্দ্ৰ বসুমতাৰীয়ে সমষ্টিটোত নিৰ্বাচনত প্ৰতিদ্বন্দ্বিতা কৰাৰ বাবে মনোনয়ন পত্ৰ দাখিল কৰিছিল ৷ মনোনয়ন পত্ৰ দাখিল পৰ্বৰ সামৰণি পৰাত সমষ্টিটোত এইবাৰ মুঠ ৯ গৰাকী প্ৰাৰ্থীয়ে নিৰ্বাচনত প্ৰতিদ্বন্দ্বিতা কৰাৰ বাবে মনোনয়ন পত্ৰ দাখিল কৰিছে ৷ অৱশ্যে মনোনয়ন পত্ৰ পৰীক্ষা আৰু প্ৰত্যাহাৰৰ দিন উকলি যোৱাৰ পিচতহে এইবাৰ সমষ্টিটোৰ পৰা কেইগৰাকী প্ৰাৰ্থী নিৰ্বাচনী যুঁজত অৱতীৰ্ণ হয় সেয়া নিশ্চিত হ'ব ৷🔯