👉বঙাইগাঁৱত ক’ৰোনাত আক্ৰান্ত দুই পৰিয়ালৰ চাৰি জন সদস্য

👉বঙাইগাঁৱত ক’ৰোনাত আক্ৰান্ত দুই পৰিয়ালৰ চাৰি জন সদস্য 

বঙাইগাঁওঃ ২৭ মাৰ্চঃ

📝  আকৌ ক’ৰোনা ভাইৰাছৰ আতংক দেখা দিছে বঙাইগাঁৱত ৷ কালি বঙাইগাঁৱত দুটা পৰিয়ালৰ চাৰি গৰাকী সদস্যৰ দেহত ধৰা পৰিল ক'ভিড- ১৯ প'জিটিভ ৷ দুটা পৰিয়ালৰ ভিতৰত এটা পৰিয়ালত পতি- পত্নী আৰু আন এটা পৰিয়ালৰ পিতা- পুত্ৰৰ দেহত ধৰা পৰিল ক'ভিড ১৯ পজিটিভ ৷ বঙাইগাঁও জিলা স্বাস্থ্য বিভাগৰ যুটীয়া সঞ্চালক নীল মাধব দাসে জনোৱা অনুসৰি এটি পৰিয়ালৰ পতি -পত্নী আৰু আনটো পৰিয়ালৰ পিতা- পুত্ৰ জ্বৰত আক্ৰান্ত হোৱাৰ বাবে শুকুৰবাৰে নিউ বঙাইগাঁও ৰে'লৱে হাস্পতালত চিকিৎসকৰ ওচৰলৈ গৈছিল ৷ চিকিৎসালয়ত চাৰিওজনৰে ৰেপিড এন্টিজেন্ট টেষ্ট কৰাত চাৰিজনৰে দেহত ক'ভিড- ১৯ প'জিটিভ ধৰা পৰে ৷ ইয়াৰ পিছতে দুয়োটা পৰিয়ালৰ চাৰিও গৰাকী সদস্যকে নিজ নিজ ঘৰত হোম আইচোলেচনত ৰখা হয় ৷ উল্লেখ্য যে এই পৰিয়াল দুটাৰ ভিতৰত এটি পৰিয়াল ১৫ মাৰ্চত কাঞ্চনজংঘা এক্সপ্ৰেছ ৰে'লযোগে শিলচৰলৈ গৈছিল আৰু তেওঁলোকে কন্যাকুমাৰী ৰে'ল যোগে ১৮ মাৰ্চত যাত্ৰা কৰি ১৯ মাৰ্চত  বঙাইগাঁওলৈ ঘুৰি আহিছিল ৷ বঙাইগাঁৱত অহাৰ পিছৰে পৰা জ্বৰত আক্ৰান্ত হৈছিল পৰিয়ালটোৰ দুই সদস্যই ৷ আনহাতে আনটি পৰিয়ালৰ দুই সদস্য গৈছিল গুৱাহাটীত ৷ ১৩ মাৰ্চত শৰাইঘাট এক্সপ্ৰেছ ৰে'লযোগে গুৱাহাটীলৈ গৈ একে দিনাই আবেলি ব্ৰক্ষ্মপুত্ৰ এক্সপ্ৰেছ ৰে'লযোগে বঙাইগাঁওলৈ আহি পাইছিল ৷ অহাৰ পিছতে এই পৰিয়ালটিৰো দুই সদস্যই জ্বৰত আক্ৰান্ত হৈছিল ৷ যুটীয়া স্বাস্থ্য সেৱা  সঞ্চালকগৰাৰীয়ে জনোৱা মতে ক’ৰোনাত আক্ৰান্ত হোৱা এই দুই পৰিয়ালৰ বাকী সদস্য সকলোক ৰেপিড এন্টিজেন্ট টেষ্ট কৰা হয় যদিও সকলো সদস্যৰ নিগেটিভ ৰিজাল্ট ওলাইছে ৷ উল্লেখ্য যে ক’ৰোনাত আক্ৰান্ত হোৱা এই পৰিয়াল দুটিৰ এটি পৰিয়ালৰ ঘৰ বঙাইগাঁও চহৰৰ দোলাইগাঁৱত আৰু আনটো পৰিয়ালৰ ঘৰ হৈছে নিউ বঙাইগাঁও হাস্পতাল ক’লনীত   ৷ ইপিনে নিৰ্বাচনী বতৰত ক'ভিড ১৯ পজিটিভৰ এই বাতৰিয়ে পুনৰবাৰ বঙাইগাঁৱত সৃষ্টি কৰিছে আতংকৰ ৷ 🔯