👉বঙাইগাঁৱত ফাকুৱা উৎসৱ উপলক্ষে গ্রন্থ উন্মোচনী সভা আৰু কবি সন্মিলন

👉বঙাইগাঁৱত ফাকুৱা উৎসৱ উপলক্ষে গ্রন্থ উন্মোচনী সভা আৰু কবি সন্মিলন

বঙাইগাঁওঃ ২৯ মাৰ্চঃ 

📝অইন অইন বছৰৰ দৰে এইবেলিও ফাকুৱা উৎসৱ উপলক্ষে অসম বহুভাষিক কবি সন্মিলনৰ উদ্যোগত বঙাইগাঁৱৰ 'বৃহত্তৰ বঙাইগাঁও প্ৰেছ ক্লাব'ত দেওবাৰে দিনজোৰা কাৰ্যসূচীৰে এখন গ্ৰন্থ উন্মোচনী সভা 

আৰু ' কবিতাৰ সৈতে ফাকুৱাৰ ৰং ' শীৰ্ষক কবি সন্মিলন অনুষ্ঠিত হয়। সভাৰ আৰম্ভণিতে বন্তি প্ৰজ্জ্বলনেৰে কাৰ্যসূচীৰ শুভাৰম্ভ কৰে অৱসৰপ্ৰাপ্ত ডি.আই.জি. চৈয়দ আতাউৰ কৰিম, কবি দীনেশ চন্দ্ৰ দাস আৰু সাংবাদিক উত্তম কুমাৰ বৰ্মনে ৷  ইয়াৰ পিছতে অসম বহুভাষিক কবি সন্মিলনৰ কাৰ্যকৰী সভাপতি কাব্যমণি কাজী শ্বমীমৰ সভাপতিত্বত অনুষ্ঠিত সভাত উদ্দেশ্য ব্যাখ্যা কৰে অসম বহুভাষিক কবি সন্মিলনৰ প্ৰধান সম্পাদক শৈলেন্দ্ৰ প্ৰসাদ শৰ্মাই। অনুষ্ঠানত এক মিনিট মৌন প্ৰাৰ্থনা কৰাৰ পিচতে সভাত উপস্থিত থকা সকলৰ মাজত চিনাকি-পৰ্ব হয় ৷

তাৰ পিছতে বাঁহীবাদক জ্যোতিষ চন্দ্ৰ শৰ্মাই সুন্দৰকৈ বাঁহীত হোলী গীতৰ সুৰ পৰিৱেশন কৰে। সভাত দুখনকৈ গ্ৰন্থ উন্মোচন কৰা হয়। কবি হৰিপ্ৰসাদ নাথৰ 'শ্বায়েৰী' নামৰ গ্ৰন্থখন উন্মোচন কৰে শ্বায়েৰীকাৰ কাজী শ্বমীমে। আনহাতে কবি অপূৰ্ব নাথৰ 'তোমাৰ পৰশত মোৰ অনুভৱ' নামৰ গ্ৰন্থখন উন্মোচন কৰে অৱসৰপ্ৰাপ্ত ডি.আই.জি. চৈয়দ আতাউৰ কৰিমে। ইপিনে গ্ৰন্থ উন্মোচনী সভাৰ পিছতে স্বৰচিত কবিতা পাঠ, হোলী গীত, হোলী নৃত্য, গোৱালপাৰীয়া লোকগীত, আইনাম আৰু  ৰবীন্দ্ৰ নৃত্যই অনুষ্ঠানটো জীপাল কৰি তোলে। কবি সন্মিলনত দীনেশ চন্দ্ৰ দাস, বিচিত্র শৰ্মা, স্বপ্না দেৱ, ইন্দুমতী শইকীয়া, কল্যাণী দেৱী, হৰিপ্ৰসাদ নাথ, হৰি নাৰায়ণ দাস, ৰঞ্জিত কুমাৰ শৰ্মা, ড০ হৰ্ক বাহাদুৰ চেত্ৰী, মনুছাঁদ সিংহ, কাজী শ্বমীম, শৈলেন্দ্ৰ প্ৰসাদ শৰ্মা, নিহাৰ ৰঞ্জন পাল, মানস ৰঞ্জন, অপূৰ্ব গোস্বামী, অপূৰ্ব নাথ, চবিলাল নিৰোলা, ময়দান আলি, টুম্পা কুমাৰী, গীতা দেৱী, মালা বৰুৱা, ৰাস্না বণিয়া বৰুৱা, ৰুণুমী বৰুৱা, অনিন্দিতা দাস, নিলতি বনিক কৰ্মকাৰ, জ্যোৎস্না বিশ্বাস দে, দিবাকৰ প্ৰসাদ, মানৱ দে,  মৃনাল দাস আদিকে ধৰি অৰ্ধ শতাধিক কবিয়ে বিভিন্ন ভাষাৰ স্বৰচিত কবিতা পাঠ কৰে । হোলী গীত পৰিৱেশন কৰে  হৰি নাৰায়ণ দাস আৰু সংগী বৃন্দই। সেইদৰে বিপাশা বৰ্মনে হোলী নৃত্য পৰিৱেশন কৰে । আনহাতে গোৱালপাৰীয়া লোকগীত, আইনাম পৰিৱেশন কৰে যুতিকা ৰায় আৰু মাজেন নাথৰ সংগীবৃন্দই। ৰবীন্দ্ৰ নৃত্য পৰিৱেশন কৰে চয়ন্তিকা সাহা আৰু  দীপান্বিতা দেৱে । অনুষ্ঠানত শলাগৰ শৰাই আগবঢ়ায় শৈলেন্দ্ৰ প্ৰসাদ শৰ্মাই। শেষত অসম সংগীতেৰে অনুষ্ঠানটিৰ সামৰণি পৰে ।🔯