👉বঙাইগাঁৱত স্বামীয়ে হত্যা কৰিলে পত্নীক

👉বঙাইগাঁৱত স্বামীয়ে হত্যা কৰিলে পত্নীক

👉আৰক্ষীয়ে গ্ৰেপ্তাৰ কৰিলে পত্নীহন্তাক

বঙাইগাঁওঃ ১ মাৰ্চঃ

📝বঙাইগাঁও সদৰ থানাৰ অন্তৰ্গত শাওনাগাঁৱত আজি পুৱা এগৰাকী বিবাহিতা মহিলাৰ মৃহদেহ উদ্ধাৰ হোৱা ঘটনাই অঞ্চলজুৰি চাঞ্চল্যৰ সৃষ্টি কৰে ৷ নিজ পিতৃ গৃহৰ পদূলিৰ সন্মুখত উদ্ধাৰ হোৱা মৃতদেহটো হৰি মোহন ৰায়ৰ বিবাহিতা কন্যা গায়ত্ৰী ৰায় বুলি চিনাক্ত কৰা হয় ৷ জানিব পৰা মতে গায়ত্ৰী ৰায়ক তিনি বছৰ মান পূৰ্বে বঙাইগাঁৱৰ জেল্কাঝাৰ ভাটিপাৰাৰ নৱ ৰায় নামৰ যুৱকজনে পলুৱাই নি বিবাহ কৰাইছিল ৷ যুগ্ম জীৱনৰ সাক্ষী হিচাপে গায়ত্ৰী ৰায়ে এটি কন্যা সন্তান জন্ম দিছিল যদিও জন্মৰ তিনিদিন মান পিচতে মৃত্যু হৈছিল সন্তানটিৰ ৷ ইপিনে বিয়াৰ পিচৰে পৰা স্বামী আৰু স্ত্ৰীৰ মাজত বিভিন্ন কথাকলৈ পাৰিবাৰিক কন্দলৰ সূত্ৰপাত হৈ আছিল ৷ ইয়াৰ মাজতে শেহতীয়াভাৱে গায়ত্ৰী ৰায়ে স্বামী গৃহ এৰি নিজ পিতৃ গৃহত থাকিবলৈ লৈছিল ৷ পিতৃ গৃহত থকাৰ সময়তে পুৱা পদূলিৰ সন্মুখত উদ্ধাৰ হয় গায়ত্ৰী ৰায়ৰ অৰ্ধ উলংগ মৃতদেহ ৷ ইপিনে গায়ত্ৰী ৰায়ক স্বামী নৱ ৰায়ে হত্যা কৰা বুলি পৰিয়ালৰ লোকে অভিযোগ কৰি কয় যে গায়ত্ৰী ৰায়ৰ মোবাইলত শেষৰ ফোন কলটো স্বামী নৱ ৰায়ে কৰিছিল ৷ নিশা প্ৰায় বাৰমান বজাত ফোন কৰিছিল ৷ স্বামী নৱ ৰায়ে গায়ত্ৰী ৰায়ক অত্যাচাৰ কৰি আহিছিল বুলিও অভিযোগ কৰে ৷ যাৰ বাবে গায়ত্ৰী ৰায়ে পিতৃ গৃহত আহি থাকিবলৈ লৈছিল ৷ সেয়ে স্বামী নৱ ৰায়েই পত্নী গায়ত্ৰীক হত্যা কৰা বুলি সন্দেহ প্ৰকাশ কৰে ৷ ইপিনে ঘটনা সন্দৰ্ভত নিউ বঙাইগাঁও আৰক্ষী পহৰা চকীত খবৰ দিয়াত পিচত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে বঙাইগাঁও অসামৰিক চিকিৎসালয়লৈ প্ৰেৰণ কৰে ৷ 

আনহাতে গায়ত্ৰী ৰায়ৰ পিতৃ গৃহৰ পৰিয়ালৰ লোকৰ অভিযোগৰ ভিত্তিত আৰক্ষায়ে স্বামী নৱ ৰায়ক সোধ - পোছৰ বাবে আটক কৰি থানালৈ আনে ৷ আৰক্ষীয়ে জানিবলৈ দিয়া মতে স্বামী নৱ ৰায়ে ইতিমধ্যে আৰক্ষীৰ আগত দিয়া স্বীকাৰোক্তিত পত্নী গায়ত্ৰী ৰায়ক হত্যা কৰা বুলি স্বীকাৰ কৰিছে ৷ লগতে ডিঙিত চুৰ্ণীৰে বান্ধি শ্বাসৰুদ্ধ কৰি হত্যা কৰা বুলিও প্ৰকাশ কৰা বুলি কয় ৷ আৰক্ষীয়ে ইতিমধ্যে গায়ত্ৰী ৰায়ৰ পৰিয়ালৰ এজাহাৰৰ ভিত্তিত নৱ ৰায়ক গ্ৰেপ্তাৰ কৰিছে ৷ আৰক্ষীয়ে গায়ত্ৰী ৰায়ৰ মৃতদেহ মৰণোত্তৰ পৰীক্ষা সম্পন্ন হোৱাৰ পিচত পৰিয়ালৰ লোকৰ হাতত গতাই দিয়ে ৷🔯