👉বঙাইগাঁৱত নিৰ্বাচনত জড়িত মাষ্টাৰ প্ৰশিক্ষক সকলক ইভিএম মেচিন আৰু ভিভিপেটৰ ব্যৱহাৰিক প্ৰশিক্ষণ প্ৰদান

👉বঙাইগাঁৱত নিৰ্বাচনত জড়িত মাষ্টাৰ প্ৰশিক্ষক সকলক  ইভিএম মেচিন আৰু ভিভিপেটৰ ব্যৱহাৰিক প্ৰশিক্ষণ প্ৰদান

বঙাইগাঁওঃ ৬ মাৰ্চঃ

📝সমাগত বিধান সভা নিৰ্বাচনত ৩২ নং বঙাইগাঁও বিধান সভা সমষ্টিত নিজৰ ভোটাধিকাৰ সাব্যস্ত কৰিবলৈ যোৱা ভোটাৰসকলৰ কোনো এজন ভোটাৰো যাতে ভোটদানৰ পৰা বাদ পৰি নাযায় তাৰ প্ৰতি বিশেষ গুৰুত্ব প্ৰদান কৰি সুকলমে নিৰ্বাচন অনুষ্ঠিত কৰাৰ বাবে বঙাইগাঁও জিলা প্ৰশাসনে সকলো প্ৰস্তুতি অব্যাহত ৰাখিছে । আজি বঙাইগাঁও জিলা উপায়ুক্ত কাৰ্যালয়ৰ সভা কক্ষত নিৰ্বাচনৰ বাবে নিয়োগ কৰা ২০ গৰাকী মাষ্টাৰ প্ৰশিক্ষকক ই.ভি.এম মেচিন আৰু নৱ সংযোজিত ভি.ভি.পেটৰ ব্যৱহাৰিক প্ৰশিক্ষণৰ লগতে যাৱতীয় দিশৰ ওপৰত প্ৰশিক্ষণ প্ৰদান কৰা হয় । ই.ভি.এম মেচিন আৰু নৱ সংযোজিত ভি.ভি.পেটৰ ব্যৱহাৰিক প্ৰশিক্ষণৰ ক্ষেত্রত বঙাইগাঁও জিলা প্ৰশাসনে বিশেষ গুৰুত্ব আৰোপ কৰিছে । ইয়াৰোপৰি ক'ভিড-১৯ ৰ নিয়মাৱলী অনুসৰি প্ৰশিক্ষণ অনুষ্ঠিত হোৱাৰ পূৰ্বে প্ৰশিক্ষণস্থলী চেনিটাইজেশ্বন কৰা হয় । লগতে ক'ভিড-১৯ ৰ প্ৰটকল অনুসৰি সকলো প্ৰশিক্ষককে ইতিমধ্যে  ক'ভিড-১৯ প্ৰতিৰোধক টিকা প্ৰদান কৰা হৈছে ৷ একেদৰে অসমৰ মুখ্য নিৰ্বাচনী বিষয়াই মুকলি কৰা লাৰ্ণিং মেনেজমেন্ট চিষ্টেম (Learning Management System )ত বাধ্যতামূলক টেষ্ট সম্পন্ন কৰা হৈছে। মাষ্টাৰ প্ৰশিক্ষকসকলক বঙাইগাঁও জিলা তথ্য বিষয়া বিজয় মজুমাদাৰে  প্ৰশিক্ষণ প্ৰদান কৰে । প্ৰশিক্ষণস্থলীত  বঙাইগাঁৱৰ নিৰ্বাচন বিষয়া বেণু মুছাহাৰীৰ লগতে বিষয়া- কৰ্মচাৰী সকল উপস্থিত থাকে ।🔯