👉বঙাইগাঁও জিলাৰ ঘিলাগুৰী গাঁও পঞ্চায়তৰ অন্তৰ্গত বৰবৈ বিলত থলুৱা কাৰ্পজাতীয় মাছৰ পোনা মজুতকৰণ

👉বঙাইগাঁও জিলাৰ ঘিলাগুৰী গাঁও পঞ্চায়তৰ অন্তৰ্গত বৰবৈ বিলত থলুৱা কাৰ্পজাতীয় মাছৰ পোনা মজুতকৰণ

বঙাইগাঁওঃ ১৫ মাৰ্চঃ 

📝জনসংখ্যা বৃদ্ধিৰ লগে লগে অসমত মাছৰ চাহিদা বৃদ্ধি পাই আহিছে যদিও ৰাজ্যখনৰ মৎস্য উৎপাদনে সেই চাহিদা পূৰণ কৰিব পৰা নাই ৷ তদুপৰি দিনে দিনে বাঢ়ি অহা উদ্যোগীকৰণ ,নগৰীকৰণ , প্ৰদূষণ আদিয়ে ৰাজ্যখনৰ প্ৰাকৃতিক জলাশয়সমূহত উপলব্ধ মৎস্য কুললৈ ভাবুকি কঢ়িয়াই আনিছে ৷এনে পৰিপ্ৰেক্ষিতত ভাৰতীয় কৃষি অনুসন্ধান পৰিষদৰ অন্তৰ্গত কেন্দ্ৰীয় আন্তঃদেশীয় মীন ক্ষেত্ৰ গৱেষণা প্ৰতিষ্ঠানৰ সঞ্চালক ডাঃ বসন্ত কুমাৰ দাসৰ পৃষ্ঠপোষকতাত তথা প্ৰতিষ্ঠানৰ গুৱাহাটীস্থিত আঞ্চলিক কেন্দ্ৰীয় মুৰব্বী ডাঃ বীৰেন্দ্ৰ কুমাৰ ভট্টাচাৰ্যৰ পৰিকল্পনা মৰ্মে অসমৰ বিলসমূহত মাছৰ উৎপাদন বৃদ্ধি কৰাৰ লক্ষ্যৰে বিলসমূহত ভাৰতীয় মূলৰ থলুৱা কাৰ্প জাতীয় মাছ যেনে ৰৌ বাহু ,মিৰিকা আদিৰ পোনা মজুতকৰণৰ এক অভিলাষী আঁচনি ৰূপায়ণ কৰা হৈছে ৷ এই উদ্দেশ্যে ছয় মাৰ্চত প্ৰতিষ্ঠানটোৰ আঞ্চলিক কেন্দ্ৰীয় বিজ্ঞানীদ্বয় আৰু কাৰিকৰী বিষয়া ডাঃ প্ৰণৱ দাস , সীমাংকু বৰা আৰু অমূল্য কাকতিৰ তত্বাৱধানত বঙাইগাঁও জিলাৰ ঘিলাগুৰী গাঁও পঞ্চায়তৰ অন্তৰ্গত বৰবৈ বিলত ভাৰতীয় মূলৰ থলুৱা কাৰ্পজাতীয় মাছৰ এক বুজন সংখ্যক পোনা মেলি দিয়া হয় ৷ পোনা মেলা কাৰ্যসূচীত অংশগ্ৰহণ কৰি বিজ্ঞানীদ্বয়ে অসমৰ বিলসমূহ ৰক্ষণা -বেক্ষণ তথা থলুৱা মৎস্য কুলৰ সংৰক্ষণৰ ওপৰত গুৰুত্ব আৰোপ কৰি সাৰুৱা ভাষণ আগবঢ়ায়🔯