👉বঙাইগাঁৱত কেইবা লক্ষাধিক টকাৰ মোবাইল চুৰি

👉বঙাইগাঁৱত কেইবা লক্ষাধিক টকাৰ মোবাইল চুৰি 

বঙাইগাঁওঃ ৫ মাৰ্চঃ 

📝বঙাইগাঁও চহৰৰ উত্তৰ বঙাইগাঁৱত যোৱা নিশা এক বৃহৎ সংখ্যক মোবাইল হেণ্ডচেট চুৰিৰ ঘটনা সংঘটিত হয় ৷ উত্তৰ বঙাইগাঁও আৰক্ষী পহৰা চকীৰ নিচেই কাষতে সংঘটিত হয় এই চুৰিৰ ঘটনা ৷ চোৰে মাদানী কমপ্লেক্সত থকা নৰ্মদা মোবাইল কেয়াৰৰ পৰা নিশা বিভিন্ন কোম্পানীৰ কেইবা লক্ষাধিক টকাৰ মোবাইল হেণ্ডচেট চুৰি কৰি নিয়ে ৷ প্ৰাপ্ত বাতৰি অনুসৰি কমপ্লেক্সৰ সন্মুখ ভাগত থকা নৰ্মদা মোবাইল কেয়াৰ নামৰ প্ৰতিষ্ঠানখনৰ কমপ্লেক্সৰ ভিতৰত এটা গুদাম আছে ৷ এই গুদামতেই সংঘটিত হয় চুৰিৰ ঘটনা ৷ চোৰে পকী বেৰ ফুটা কৰি ভিতৰত প্ৰৱেশ কৰি মূল্যবান মোবাইল হেণ্ডচেটসমূহ চুৰি কৰি ইয়াৰে বাকচ আৰু চাৰ্জাৰবোৰ ওচৰতে পেলাই থৈ যায় ৷ পুৱা স্থানীয় ৰাইজে ঘটনাটো জানিব পাৰি প্ৰতিষ্ঠানখনৰ গৰাকীক খবৰ দিয়ে ৷ চোৰে প্ৰতিষ্ঠানখনৰ পৰা প্ৰায় ৭৫ লক্ষাধিক টকা মূল্যৰ হেণ্ডচেট চুৰি কৰি নিয়ে ৷ ঘটনা সন্দৰ্ভত প্ৰতিষ্ঠানখনৰ গৰাকী মহম্মদ য়াছিনে পিচত উত্তৰ বঙাইগাঁও আৰক্ষী পহৰা চকীত চুৰিৰ ঘটনা সন্দৰ্ভত এজাহাৰ দাখিল কৰা বুলি জানিব পৰা গৈছে ৷ আৰক্ষীয়ে ঘটনা সন্দৰ্ভত জোৰ তদন্ত অব্যাহত ৰাখিছে ৷ 🔯