👉বঙাইগাঁৱত নিৰ্বাচনত নিয়োগ কৰা বিষয়া- কৰ্মচাৰীক কোৰ'ণা ভেকচিন প্ৰদান

👉বঙাইগাঁৱত নিৰ্বাচনত নিয়োগ কৰা বিষয়া- কৰ্মচাৰীক কোৰ'ণা ভেকচিন প্ৰদান 

বঙাইগাঁও ৫ মাৰ্চঃ 

📝সমগ্ৰ দেশব্যাপী চলি থকা ভয়াৱহ কোৰ'ণা মহামাৰীৰ মাজতে ৰাজ্যখনত অনুষ্ঠিত হ'বলগীয়া বিধান সভা নিৰ্বাচনৰ পৰিপ্ৰেক্ষিতত নিৰ্বাচন আয়োগে বিশেষ নিৰ্দেশনা জাৰি কৰিছে ৷ সেই অনুসৰি বিধান সভা নিৰ্বাচন  সুকলমে অনুষ্ঠিত কৰাৰ বাবে তথা কোৰ'ণাক প্ৰত্যাহ্বান জনোৱাৰ বাবে নিৰ্বাচনত নিয়োগ কৰা সকলো বিষয়া- কৰ্মচাৰীয়ে কোৰ'ণা ভেকচিন গ্ৰহণ কৰাটো বাধ্যতামূলক কৰা হৈছে ৷ ইয়াৰ পৰিপ্ৰেক্ষিতত বঙাইগাঁও জিলা প্ৰশাসনে ৩২ নং বঙাইগাঁও বিধান সভা সমষ্টিত তৃতীয় পৰ্যায়ত অনুষ্ঠিত হ'বলগীয়া নিৰ্বাচনৰ বাবে নিয়োগ কৰা তথা জিলাখনৰ সকলো চৰকাৰী কাৰ্যালয়ৰ বিষয়া কৰ্মচাৰীক বঙাইগাঁও জিলা  অসামৰিক চিকিৎসালয় তথা পাঁচখন প্ৰাথমিক স্বাস্থ্য কেন্দ্ৰৰ অধীনৰ ১৮ টা স্বাস্থ্য কেন্দ্ৰত কোৰ'ণা প্ৰতিষেধক ভেকচিন প্ৰদানৰ ব্যৱস্থা কৰিছে । বঙাইগাঁও প্ৰাথমিক স্বাস্থ্য কেন্দ্ৰত ডাঃএম ইছলামৰ নেতৃত্বত ৫০০ শৰো অধিক লোকক কোৰ'ণা ভেকচিন প্ৰদান কৰা হয় । সেইদৰে বাকী স্বাস্থ্য কেন্দ্ৰসমূহতো কোৰ'ণা ভেকচিন প্ৰদান কৰি থকা হৈছে ৷🔯